भजनसंहिता 101

एक राजा को वादा

दाऊद का भजन

1मी करूना अना अखिन नियाय को बिसय गाऊ

ओ यहोवा , मी तोरो च भजन गाऊ।

2मी धियान लक खरो रास्ता मा चलू

तू मोरो जवर कबा आजोस ?

मी आपरो मकान मा मन की सच्चाई को संग चलू ;

3मी कोनी अधरम को काम पर चित्त नही लगाहुँ।

मी खोटो रास्ता पर चलनवालो गिन को काम

लक घिन ठेवासू ; असो काम मा मी नातो नही लगाहुँ।

4टेडगो सुभाव मोरो लक दुहुर रव्हेत,

मी बूराई ला भी नही जानूँ।

5जोन लुक केआपरो सेजारी की चुगली खायो ,

वोको मी सत्यानास करू ,जोन को डोरा गिन

चघयो सेत अखिन जोन मन घमन्डी से

वोको मि नही सहन करहु।

6मोरो डोरागिन देस को बिस्वास जोग

लोखगिन पर लगयो रव्हेत,

का वोय मोरी संग रव्हबिन ;

जोन खरो रास्ता पर चलासे वोच मोरो नवकर होहे,

7जोन छल करासे उ मोरो मकान को

भीतर नही रव्हनो पाहेत, अना जोन झूठ

बोलासे वो मोरो समोर बनयो नही रव्हेत।

8पहाट च पहाट ला मी देस को सबरी

दुस्टगिन को सत्यानास करहुँ।

एकोलायी का यहोवा को नगर को सबरी

अनरथ करनवालो गिनला नास करू!