होसे 8

मुरत पुजा को लाय इसरायल को निन्दा

1आपरो टोन्ड मा नरसिंगा लगाव! बयरी गरूड़ को जसो परमेस्वर को घर मा झप्पटा मारहेत, काहेका मोरो घर को लोक ना बिदरोह करके मोरी करार ला तोड़ दियो, अना मोरो मोसे को नियम ला नही मानासेत। 2वय मोरो लक हाकलके कव्हसेत, “ओ आमरो परमेस्वर! आमी इसरायल लोक तोला जानासेत।” 3पर इसराइल ना साजरोपन ला मन लक उतार दियो से, एकोलाय बयरी ओको मंघा पड़हेत।

4वय राजा ला ठैयरातो रह्यो पर वोमा मोरी मनसा नही होतो, पर मोरो अनजानो मा उनना आपरो सोन्नो अना खूरो लेके मुरत बनाय लियो, जोन लक नास भयी जाय। 5ओ सोमरोन,वोना तोरो बछिया ला मन लक उतार दियो से, मोरो गुस्सा उन पर भड़को सेत। वय बेकसूर होवन मा कबा तकन उसीर करयेत? 6यो इसराइल लक भयो सेत। एक कारीगर ना ओला बनायो वा परमेस्वर नहात। यो कारन लक सोमरोन को वा बछिया तुकड़ा-तुकड़ा भय जाहेत। 7वय वारा ता बोवासे, अना वय मटिया को कटाई करहेत, उनको लाय काही खेत नही रहेत, नातो उनको फसल लक काही कनीक होहेत। अना काही होयेत ता वोला भी परदेसी खाय डाकेत 8इसराइल गटक लियो गयो, अबा वय दुसरो राज को लोख मा असो निक्कमा ठयरो जसो का कोनी बेकार भान्डो ठयरा सेत। 9काहेका वय अस्सुर ला असो चली गयो, जसी जंगली गाढव करप लक बिछुड़ के रव्हसे, एपरेम ना आपरो यार गीनला बनी मा राखयो से 10मंग वय दुसरो राज को लोख गीनमा लक बनिहार बनाय के राखेत, तबा भी मि उनला जमा करहु, वय सासक अना राजा को बोझा को कारन लक कम होय जाहेत।

11एपरेम ना पाप बली करन ला लगत सी वेदिहुन बनायो सेत, वोच वेदीगिन ओको पापी ठयरावन को कारन लक ठयरो। 12मि ता उनको लाय,आपरो नियम को बेहिसाब गोस्टी लिखतो आयो सेऊ, पर वय उनला बेगरो समजासेत 13वय मोरो लाय बली करासेत, अना जनावर भी बली करासेत, पर ओको फर मांस च आय, वय खुदच वोला जेवासेत, पर यहोवा परमेस्वर उनको लक खुस नही होवासे। अबा उ उनको बदी को हेत करके उनको पाप को सजा देहेत। वय मिसर देस मा लवट जाहेत।

14काहेका इसराइल ना आपरो बनान वालो परमेस्वर ला बिसरा के महेल बनायो, अना यहूदा ना बेझा गढ़नवारो नगर ला बसायो से; मंग मी वोना नगर मा स्तो लगाहूँ अना वोको लक उनका गढ़ नास भय जाहेत।