होसे 14

भविस्यवक्ता होसे को इसराइल लक बिनती

1अगो इसरायल, अपरो परमेस्वर यहोवा को जवर लवट आव, काहेका तू ना अपरो बुराई को कारन लक ठोकर खायो से। 2गोस्टी सीक के अना यहोवा परमेस्वर को कन लवट केना, वोको लक सांग, “सप्पा अधरम दूहुर कर, माफ लक आमी ला अपनाय ले तबा अमी धनवाद रूपी बली चघाबीन। 3अस्सुर आमरो सूटकारा नही करहेत, आमी घोड़ा मा बसयो नही होहेत, अना हमी मंग अपरी बनायो गयो चीज लक नही कव्हेत, तुमी आमरो परमेस्वर सेव।” काहेका अनाथ पर तू च दया करासे।

इसराइल को लाय नवतो जिन्दगी को परमेस्वर को वायदा

4मी उनको भटक जावन की आदत ला दुहुर करहूँ।

मी सोलाना उन लक माया करहु,

काहेका मोरो गुस्सा

उन पर लक उतर गयो सेत।

5मी इसरायल को लाय ओस को जसो होहूँ,

वय सोसन को जसो फूलेत-फरहेत,

अना लबानोन झाड़ को जसी जड़ फैलायेत।

6वोको जड़ लक ता पवधा फूटके हिटेत,

ओकी महीमा जयतून को जसो,

अना वोकी महेक लबानोन झाड़ को जसो होहेत।

7जोन सावली मा बसेत,

वय अनाज को जसो बढेत।

वय अंगूर को बेला को जसो फूलेत-फरेत

अना वोको महीमा लबानोन जघा को अंगूर को रस को जसो होहेत।

8एपरेम कहेत, “मुरतगीन लक अबा मोरो अना काजक काम से?”

मी वोको आयक के ओको पर नीघा बनायो राखुँ।

मी हीवरो सनौवर झाड़ जसो सेव,

मोरोच लक तू फर हासिल करहेत।

निचोड़

9जोन अक्कलवर से उ एना गोस्टी ला समजेत। जोन चतूर सेव, वाच इनला समज सकेत। काहेका परमेस्वर को रस्ता सीदो सेत, अना न्यायी उन मा चलतो रहेत, पर पापी उन मा खोद्दा खायके पड़ जाहेत।