Powari Standard Project
आमोस 1
तको को रव्हन वारो आमोस जोन सेरी मेंढी को चरानवालो मा लक एक होतो, ओको या बचन सेत जोन वोना यहूदा को राजा उज्जिय्याह को, अखीन योआस को टूरा इसरायल को राजा यारोबाम को बेरा मा, भुईडोल लक दुई बरस पयले, इसरायल को बारे मा दरसन चोवके सांगयो।1 “यहोवा सिय्योन लक दहाड़े, अना येरूसलेम लक गरजहे, तबा चरावन वालो को चरायी दुखी होहे, अना करम्मेल को छेरछेन्डी सुक जाहे।”
इसराइल को सेजारी सिरया पर परमेस्वर को नियाव
अराम
यहोवा असो कव्हासे, “दमिस्क नगर को तीन का, पर चार पाप को कारन लक मी वोको सजा नही सोड़ू, काहेका उनना गिलाद ला लोहा को दावन वालो समान लक रंवद दियो से। एकोलाय मी हजाएल को राजा को राजभुवन मा स्तो लगाहूँ। अना वोको लक बेन्हदद राजा को किला ला भसम भयी जाहेत। मी दमिस्क नगर को बेन्डागीन ला तोड़ डाँकू, आवेन नाव को घाट अना बेतएदेन को घर मा रव्हन वालो राजदन्डधारी ला नास करू, अना सिरीया को लोग बन्दी होयके कीर जाघा ला जाहेत, यहोवा को यो बचन से।”
पलिस्तिया
यहोवा असो कव्हसे, “गाजा नगर को तीन का, पर चार पाप को कारन लक मी वोको सजा नही सोड़ू, काहेका वय सब लोगगिन ला बन्दी बनायके ले गईन, का उनला एदोम को कबजा मा कर देहेत। एकोलाय मी गाजा को परकोट मा स्तो लगाव सेउ, अना वोको लक वोको किला भस्म होय जाहेत। मी असदोद को रव्हन वालागिन ला अना असकलोन को राजदन्डधारी ला भी नास करूँ। मी आपरो हात एकरोन को बिरोध मा चलाहूँ, अना बचयो पलिस्ती नास होय जाहेत।” परमेस्वर यहोवा को यो गोस्टी आय।
सूर
यहोवा असो कव्हसे, “सूर को तीन का पर चार पाप को कारन लक मी वोको सजा नही सोड़ू, काहेका उनना सब परमेस्वर ला बन्दी बनाय कर एदोम को बस मा कर दियो। अना भाऊ जसो करार को हेत नही राखीन। एकोलाय मी सूर को परकोट मा स्तो लगाव सेउ। अना वोको लक वोको टिला भसम होय जाहेत।”2
एदोम
यहोवा असो कव्हसे, “एदोम को तीन का, पर चार पाप को कारन लक मी वोको सजा नही सोड़ू, काहेका ओना आपरो भाऊ ला तरवार लक खदेड़ीन अना काही भी रहम नही करिन, पर गुस्सा लक उनला सदा फाड़त हि रहिन, अना अपरो गुस्सा ला अमर बेरा को लाय बनायो रखिन। एकोलाय मी तेमान सहर मा स्तो लगाव सेउ। अना वोको लक वोको लक बोसरा को किला भस्म होय जाहेत।”
अम्मोन
यहोवा असो कव्हसे, “अम्मोन को तीन का, पर चार पाप को कारन लक मी वोको सजा नही सोड़ू, काहेका उनना आपरी सीवमेन्ढो ला बढ़ाय लेवन को लाय गिलाद छेतर को बायको गीनको गरभ ला चीर डाखिन। एकोलाय मी रब्बा सहेर को परकोट मा स्तो लगाव सेउ। अना वोको लक वोको भुवन को किला ला भसम भयी जाहेत। उ लड़ाई को दिवस मा ललकार होयेत, उ आँधड़ पर माटिया को दिवस होयेत। अना उनको राजा आपरो सासक को संग गुलामी मा जाहेत।” यहोवा को यो गोस्टी आय।
Source notes (2)
- Cross-reference 2 राजा 15:1-7
- Cross-reference मत्ती 11:21,22; लूका 10:13,14
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.