होसे 13

इसराइल को आखरी नियाव

1जबा एपरेम बोलत होतो, तबा लोक कपत होतिन। अना उ इसरायल मा मोठो होतो। पर जबा उ बाल देवता को कारन दोसी भय गयो, तबा उ मर गयो होतो।1 2अबा वय मानूस लोक पाप मा पाप बढ़तो जासेत, अना आपरो अक्कल लक खूरो ढालके असी मूरत बनावासेत, जोन कारीगर गीनच लक बनयो से। उनको बारेमा लोक कव्हासेत जोन बैइलहुन को अकार को मुरत करहेत वा नाटा को चुम्मा लेहे। 3यो कारन लक वय सक्कार को बरसो पानी अना लवकर च सूक जानवालो ओस, खरीयान मा लक मटीया लक उड़नवारो कूटार अना चिमनी लक हिटयो धूंगा को जसो सेत।

4मिसर देस लक च मी यहोवा, तोरो परमेस्वर सेऊ, तू मोला छोड़ कोनी ला परमेस्वर करके नोको जानजोस, काहेका मोरो सीवाय कोनी तोरो बचावन वारो नहात। 5मी ना ओनो बेरा तोरो पर मन लगायो जबा तु जंगल मा लगत च सुक्को देस मा होतो। 6पर जबा इसरायल चरायो जावत होतीन, अना उनको पोट भर गयो, तबा पोट भरनो पर उनको दिल घमन्ड लक भर गयो, यो कारन लक वय मोला बिसर गईन। 7एकोलाय मि उनको लाय सेर जसो बनयो सेऊ, मी चीता को जसो उनको रस्ता मा घात लगायके रहुँ। 8मी बच्चा हिसक लियो रीछनी को जसो बनके उनला मिलहु, अना उनको मन को झिल्‍ली ला चीर डाकू, अना सेर को जसो उनला उतच खाय डाखू, जसो जंगली जनावर उनला चीर डाकेह।

9अगो इसरायल, तोरो नास को कारन यो से का तू मोरो, मजे सायता देवनवारो को बयरी सेत। 10मी ना हिजड़ के तोरो लाय नगर राजा बनायो, मंग हिजड के उनला उध्दार भी दियो। 11मी न गुस्सा मा आयके तोरो राजा बनयो, अखिन मंग जलजलाहट मा आयके ओला हटाय भी दियो।

12एपरेम को अधरम गठो हुयो से ओको पाप जमा कियो गयो से। 13वोला जचकी होवन वारी बायको की जसी दरद उठेत, पर उ मुरख टूरा से, जोन जलम लेवन मा उसीर करासेत। 14मि ओला नरक को ताकत लक छुड़ाय लेहू अना मिरतु लक वोला सूटकारा देहू। ओ मिरतु तोरी मारन की ताकत कहान रह्यो? ओ नरक तोरी नास करन को ताकत कहान रह्यो?मंग मी कभ्भूच नही पस्ताहूँ।2 15चाहे उ आपरो भाऊगिन लक जादा फूलेत–फरेत, तबा भी वारा वोको पर चलहेत, अना परमेस्वर को कन लक रेत को जघा लक आहेत, अना ओको कुन्ड सूक जाहेत, अना वोको सोता बिनपानी को भय जाहेत। वोको ठेयो हुयो सबरी मनमोहक कीमती चीज वा लूट ले जाहेत। 16सामरिया दोसी ठयरायो, काहेकि वोना अपरो परमेस्वर लक बिदरोह करयो से, वय तलवार लक मारो जाहेत, उनको लेकरा पटक दियो जाहेत, अना उनको पोट लक बायको चीर डाकयो जाहेती।