आमोस 9

इसरायल को नियाव

1मी ना पिरभू ला वेदी को वरता उभो चोवयो, अना ओना कह्यो, “गोटा को खम्बा को वरता को डोका पर मार जेनको लक डहेल हिल जाहे, अना उनला सबा लोगगिन को डोस्का पर गिराय के तुकड़ा-तुकड़ा कर, अना जोन नास होवन लक बचे, मी उनला तरवार लक मार डाखू। उनमा लक एक भी नही पराय जाहे, अना जोन अपरो आप ला बचाहे। उ नही बच पाहे1।” 2“काहेका चाहे वय खोदरा को पताल मा भी पड़ जाहेत, ता वहाँन लक मी हात बढायके उनला लाहूँ, चाहे वय बादल मा चघ जाहे, तो वहाँन लक मी उनला उतार केन लाहूँ।2 3चाहे वय करम्मेल पहाड़ मा लुकाय जाहे, पर उता भी मी उनला ढूँढ़-ढूँढ़ के धर लेऊ, चाहे वय समुंदर को थाह मा मोरी निघा लक दूहूर होहे, उता भी मी सरप ला उनला डसन को हुकूम देहू। 4चाहे बयरी उनला खेदके बँधुआई मा ले जाहे, उता मी भी हुकूम देके तलवार उनको पर चलवाहूँ, अना मी भलाई करन को लाय नही, बुराई च करन को लाय निघा करहुँ।” 5सेनागिन को यहोवा परमेस्वर को छिवनो लक धरती पिघलासेत, अना वोको सप्पा रव्हन वालो सोक करासेत, अना उ सप्पा को सप्पा मिसर देस को नदी को जसो बन गयो सेत, जोन बढासे मंग लहरगीन मारासेत, अना कम होय जासे। 6जोन बादल मा आपरो कोठरिहुन बनावासे। अना आपरो तारा मंडल को पाया धरती मा डाकसेत, अना समुंदर को पानी धरती पर बहा देवासे, वोच को नाव यहोवा परमेस्वर से। 7“हे इसरायली हुन,” यहोवा को यो सबद आय, “का तुमी मोरो लाई कुसीगीन को जसो नही सेव? का मी इसरायल ला मिसर देस लक अना पलिस्ती लोग ला कप्‍तोर देस लक नही हेड़के आनयो? अना अरामी गीनला कीर लक नही आनयो। 8चोवो, परमेस्वर यहोवा को निघा यो पाप को राज पर से, अना मी यो धरती मा लक नास करहुँ, तबा भी मी पूरो रीत लक याकूब को घराना को नास नही करहीन।” यहोवा को यो सबद आय। 9“मोरो हुकूम लक इसरायल को खानदान सब देस मा असो चालयो जाहेत जसो अनाज चलनी मा चालयो जासे, पर वोको एक भी साजरो दाना जमीन मा नोको पड़ जाहेत। 10मोरो पिरजा मा को सबच पापी जोन कव्हासेत, उ आफद आमरो पर नही पड़हेत, अना अमीला नही घेरेत, वय तरवार लक मारो जाहेत।”

इसराइल को मंग लक बनावनो

11“वोना बेरा मी दाऊद को पड़यो झोपड़ी ला उभो करू, अना ओको बाड़ागिन को नाकागीन ला सुधारहूँ, अना ओको भीत को फुटयो हुयो ला राजला मंग बनाहिन। अना जसो उ मघा मा होतो, वसोच अबा बनयो देऊ। 12जेनको लक वय बचया हुयो एदोमी लोख गीन ला अना सब लोक गीन ला, जोन मोरो नाव को सेत, आपरो हक मा लेहेत।” यहोवा जोन यो काम पूरो करासे, उ असोच आवाज से।3 13यहोवा को यो सबद आय, “चोवो, असो दिवस आवासेत, का नांगर उपज लेवन वालो ला अना अंगूर को रस रौंदन वारो बीज बोनी करन वारा ला जाय लेहेत। अना पहाड़ लक नवा अंगूर को रस टपकन लगहेत, अखिन सबरी पहाड़ीगिन लक बोह जाहे।4 14मि आपरो पिरजा इसरायल को कैदी ला वापस लेके आऊ, अना वय बिरान हुयो नगर ला मंग लक सुधार के उन मा बसाहूँ, वय अंगूर को बाग लगायके अंगूर को रस पीवबीन अना बगीचा लगायके उनको फर खाहेत। 15मि उनला उनको च जमीन मा बोहुँ, अना वय आपरो जमीन मा लक जोन मी ना उनला दियो से, मंग कबच नही उखड़यो जाहेत।” तुमरो परमेस्वर यहोवा को यो गोस्टी से।