Pogoro Bible Version
Zabuli 120
Kuluwa utanga
Mukutabika kwaneni nimshemiti Mtuwa Mlungu
Nayomberi kanitikira.
Gwee Mtuwa Mlungu, gundopoli
na milomu ya wantu wazyanga na wanampayu.
Mwenga wazyanga, Mlungu hakawatenderi shishi?
Hakawakomangi hashi?
Hakawagumi kwa misali mikalipa ya mashonta,
na makala ga motu gukalipa!
Shondi neni yanilikala aku Mesheki,
nkala muwamu muliringu lya Kedari.
Nilikala shipindi shitali nentu
pakati pa wantu yawayifirandir ponga!
Shaka panonga nfira ponga,
womberi wafira nkondu.
Pogoro Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.