रूत

रूत

रूता रे बारे दे कताब

भूमिका

रूतो रे बारे दे कताब लिखणे वाल़े रा नाओं नि बतांदी। रीति-रवाजा रे मुताबिक रूता रे बारे दे कताब भविष्यबक्ता सेमुएले लिखी राखी। रूतो रिया कताबा दे लिखी दी शान्तिया री कटणा न्यायिया रे चगड़े वाल़े बखतो दे ऊई दी कटणा बीचा ते एक ए। एक मोआबी जवाणस जेसा रा नाओं रूत ए तेसा रा ब्या एक इस्राएली मर्दो साथे ओआ। जेबे तेसा रा लाड़ा मरी जाओआ तेबे रूत आपणी सासुआ साथे जो एक इस्राएली जवाणस ए आपणा गईरा प्यार दखाओई ओर इस्राएलो रे परमेशरो साथे बी गईरी पग्तिया रा प्रदर्शण करोई। अन्तो दे तेसा रे पईले लाड़े रे एकी रिश्तेदारो साथे तेसा रा दूजा ब्या ऊई जाओआ। एस ब्याओ रे जरिये से इस्राएलो रे सबी ते महान राजे, दाऊदो री पड़दादी बणोई। न्यायिया रिया कटणा तिना खतरनाक मुसीबता खे बताओईया जो परमेशरो रे चूणे दे लोका पाँदे पड़िया थिया जेबे जो तिने परमेशरो ते आपणा मूँ फेरी ला था। रूतो री कटणा तेसा आशिषा खे दशोई जो एक दूजी जातिया रिया जवाणसा खे मिलोई। जेसे इस्राएलो रे परमेशरो री शरण लई थी।

रूप-रेखा

नाओमीया रा रूता साथे बेतलेहमो खे वापस आऊणा

रूता रा बोअजो ते मिलणा

बोअजो रा रूता ते ब्या