Baghlayani Bible
1 इतिआस 8
बिन्यामीनो रा खानदान
बिन्यामीनो ते तेसरा जेठा पाऊ बेला, दूजा अशबेल, तीजा अहृह, चौथा नोहा ओर पाँजुआ रापा पैदा ऊआ। बेला रे पाऊ अद्दार, गेरा, अबीहूद, अबीशू, नामान, अहोह, गेरा, शपूपान ओर हूराम थे। एहूदो रे पाऊ यो ऊए, गेबा रे रणे वाल़ेया रे पितरा रे कराने रे मूल़ मर्द यो थे, जिना खे बन्दी बणाई की मानहतो खे लईगे थे। ओर नामान, अहिय्याह ओर गेरा, इना खे बी बन्दी बणाई की मानहतो खे लईगे थे, ओर तिने उज्जा ओर अहीहूदो खे जन्म दित्तेया। ओर शहरैमो ते हूशीम ओर बारा नाओं री आपणी लाड़िया खे छाडणे ते बाद मोआब देशो दे पाऊ पैदा ऊए। तेसरी आपणी लाड़ी होदेशो ते योबाब, सिब्या, मेशा, मल्काम, यूस, सोक्या, ओर मिर्मा पैदा ऊए, तेसरे यो पाऊ आपणे-आपणे पीतरा रे कराने रे मूल़ मर्द थे। ओर हूशीमो ते अबीतूब ओर एल्पालो रा जन्म ऊआ। एल्पालो रे पाऊ एबेर, मिशाम ओर शामेद थे, इने ई ओनो ओर गाँवो समेत लोद बसाया। तेबे बरीआ ओर शेमा जो अय्यालोनो दे रणे वाल़ेया रे पितरा रे कराने रे मूल़ मर्द थे ओर जिने गतो रे रणे वाल़े नठाईते थे। ओर अह्यो, शाशक, यरेमोत, जबद्याह, अराद, एदेर, मीकाएल, यिस्पा, योहा, जो बरीआ रे पाऊ थे, जबद्याह, मशुल्लाम, हिजकी, हेबेर, यिशमरै, यिजलीआ, योबाब, जो एल्पालो रे पाऊ थे। ओर याकीम, जिक्री, जब्दी, एलीएनै, सिल्लतै, एलीएल, अदायाह, बरायाह ओर शिम्रात जो शिमिये रे पाऊ थे। यिशपान, एबेर, एलीएल, अब्दोन, जिक्री, हानान, हनन्याह, एलाम, अन्तोतिय्याह, यिपदयाह ओर पनूएल, जो शाशको रे पाऊ थे। ओर शमशरै, शहर्याह, अतल्याह, योरेश्याह, एलिय्याह ओर जिक्री जो यरोहामो रे पाऊ थे। यो आपणी-आपणी पीढ़िया रे आपणे-आपणे पितरा रे कराने रे मूल़ मर्द ओर परदान थे, यो यरूशलेम शईरो रे रओ थे।
शाऊलो रा खानदान
गिबोनो दे गिबोनो रा बाओ रओ था, जेसरी लाड़िया रा नाओं माका था। ओर तेसरा जेठा पाऊ अब्दोन था, तेबे सूर, कीश, बाल, नादाब, गदोर; अह्यो ओर जेकेर ऊए। मिक्लोतो ते शिमआह पैदा ऊआ। ओर यो बी आपणे पाईया सामणे, यरूशलेम शईरो रे रओ थे, आपणे ई पाईया साथे। नेरो ते कीश पैदा ऊआ, कीशो ते शाऊल, ओर शाऊलो ते योनातान, मल्कीशूअ, अबीनादाब ओर एशबाल पैदा ऊए; ओर योनातानो रा पाऊ मरीब्बाल ऊआ ओर मरीब्बालो ते मीका पैदा ऊआ। मीका रे यो पाऊ थे, पीतोन, मेलेक, तारे ओर आहाज। आहाजो ते यहोअद्दा पैदा ऊआ ओर यहोअद्दा ते आलेमेत, अज्मावेत ओर जिम्री ओर जिम्रिए ते मोसा। मोसा ते बिना पैदा ऊआ, ओर बिना ते रापा ऊआ, रापा ते एलासा ओर एलासा रा पाऊ आसेल ऊआ। ओर आसेलो रे छे पाऊ ऊए, जिना रे नाओं यो थे, मतलब अज्रीकाम, बोकरू, इश्माएल, शरायाह, ओबद्याह ओर हानान। यो सारे ई आसेलो रे पाऊ थे। तेसरे पाई एशेको रे यो पाऊ ऊए, मतलब तेसरा जेठा पाऊ ऊलाम, दूजा यूश, तीजा एलीपेलेत। ऊलामो रे पाऊ शूरवीर ओर धनुर्धारी ऊए ओर तिना रे बऊत सारे माठे-पोते ऊए, मतलब 150 ऊए। यो ई सारे बिन्यामीनो रे कुलो रे थे।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.