Baghlayani Bible
1 इतिआस 7
इस्साकारो रा खानदान
इस्साकारो रे यो चार पाऊ ऊए: मतलब तोला, पूआ, याशूब ओर शिम्रोन। ओर तोला रे पाऊ उज्जी, रपायाह, यरीएल, यहमै, यिबसाम ओर शमूएल, यो आपणे-आपणे पितरा रे कराने, मतलब तोला री ल्वादा रे मूल़ मर्द ओर बड़े वीर थे ओर दाऊदो रे दिना दे तिना रे कुलो री गिणती 22,600 थी। ओर उज्जीए रा पाऊ यिज्रह्याह ऊआ, ओर यिज्रह्याह रा पाऊ मीकाएल, ओबद्याह, योएल ओर यिश्शिय्याह। यो सारे पाँजो आपणे कराने रे मुखिया मर्द थे; ओर तिना साथे तिना री वंशावली ओर पितरा रे कराने रे मुताबिक सेना रे दलो रे 36,000 योद्धा थे; कऊँकि तिना रिया बऊत सारिया जवाणसा ओर पाऊ थे। ओर तिना रे पाई जो इस्साकारो रे सारे कुलो बीचा ते थे, सेयो 87,000 बड़े वीर योद्धा थे, जो आपणी-आपणी वंशावलिया साथे गिणे।
बिन्यामीन ओर नप्तालिया रा खानदान
बिन्यामीनो रे तीन पाऊ ऊए: बेला, बेकेर ओर यदीएल। बेला रे पाँज पाऊ थे; एसबोन, उज्जी, उज्जीएल, यरीमोत ओर ईरी। यो आपणे-आपणे पितरा रे कराने रे मुखिया मर्द ओर बड़े वीर थे ओर आपणी-आपणी वंशावलिया रे मुताबिक तिना री गिणती 22,034 थी। ओर बेकेरो रे पाऊ जमीरा, योआश, एलीएजेर, एल्योएनै, ओम्री, यरेमोत, अबिय्याह, अनातोत ओर आलेमेत यो सब बेकेरो रे पाऊ थे। यो जो आपणे-आपणे पितरा रे कराने रे मूल़ मर्द ओर बड़े वीर थे इना रे खानदानो री गिणती आपणे-आपणे खानदानो रे मुताबिक 20,200 थी।
ओर यदीएलो रा पाऊ बिल्हान ओर बिल्हानो रे पाऊ यूश, बिन्यामीन, एहूद, कनाना, जेतान, तर्शीश ओर अहीशहर थे। यो सब जो यदीएलो री ल्वाद ओर यो आपणे-आपणे पितरा रे कराने रे मूल़ मर्द ओर बड़े वीर थे, इना रे कुलो ते सेना रे युद्ध करने जोगे 17,200 मर्द थे। ओर ईरो रे पाऊ शुप्पीम ओर हुप्पीम थे ओर अहेरो रा पाऊ हूशीम था।
नप्तालीए रे पाऊ यहसेल, गूनी, येसेर ओर शिल्लेम थे, यो बिल्हा रे पोते थे।
मनश्शे रा खानदान जो पच्छमा दे बसेया
मनश्शे रा पाऊ अस्रीएल जो तेसरी अरामी रखैला ते पैदा ऊआ था ओर तेसे अरामी जवाणसे गिलादो रे बाओ माकीरो खे बी जन्म दित्तेया। ओर माकीर (जेसरिया बईणी रा नाओं माका था) तिने हुप्पीम ओर शुप्पीमो खे जवाणसा ब्यायी तिया ओर दूजे रा नाओं सलोफाद था ओर सलोफादो रे बेटिया ऊईया। तेबे माकीरो री जवाणस माका रे एक पाऊ पैदा ऊआ ओर तेसरा नाओं पेरेश राखेया ओर तेसरे पाईए रा नाओं शेरेश था ओर एसरे पाऊ ऊलाम ओर राकेम थे। ओर ऊलामो रा पाऊ बदान था। यो गिलादो री ल्वाद थी जो माकीरो रा पाऊ ओर मनश्शे रा पोता था। तेबे तेसरी बईणे हम्मोलेकेते ईशहोद, अबीएजेर ओर महला खे जन्म दित्तेया शमीदा रे पाऊ अहिअन, शेकेम, लिखी ओर अनीआम थे।
एप्रैमो रा खानदान
एप्रैमो रे पाऊ शूतेलह ओर शूतेलह रा बेरेद, बेरेदो रा तहत, तहतो रा एलादा, एलादा रा तहत; तहतो रा जाबाद ओर जाबादो रा पाऊ शूतेलह था ओर एजेर ओर एलाद बी जो गत शईरो रे माणूंए, जो तेस देशो रे पैदा ऊए थे, इजी खे काये, कऊँकि सेयो तिना रे डांगर लुटणे खे आए थे। तिना रा बाओ एप्रैम तिना रिया तँईं कई दिन तक शोग करदा रया ओर तेसरे पाई तेसखे शान्ति देणे खे आए। ओर से आपणी लाड़िया गे गया ओर से गर्भवती ऊई ओर तेसे एकी पाऊए खे जन्म दित्तेया ओर एप्रैमे तेसरा नाओं इजी बजा ते बरीआ राखेया कि तेसरे कराने रे मुसीबत पड़ी थी।
तेसरी बेटी शेरा थी, जेसे थालले ओर पाँदले दोनो बेथोरोनो रे शईर ओर उज्जेनशेरा खे मजबूत कराया। तेसा रा पाऊ रेपा ओर रेशेप थे, ओर रेशेपो रा पाऊ तेलह, तेलह रा पाऊ तहन, तहनो रा पाऊ लादान, लादानो रा पाऊ अम्मीहूद, अम्मीहूदो रा पाऊ एलीशामा, एलीशामा रा पाऊ नून ओर नूनो रा पाऊ यहोशू था। तिना री आपणी जमीन ओर बस्तिया गाँवो समेत बेतेल ओर पूर्वो रिया तरफा खे नारान ओर पच्छमा रिया तरफा खे गाँवो समेत गेजेर, तेबे गाँवो समेत शकेम ओर गाँवो समेत अय्या थी; ओर मनश्शेइया रे बन्ने रे नेड़े आपणे-आपणे गाँवो समेत बेतशान, तानाक, मगिद्दो ओर दोर। इना जगा दे इस्राएलो रे पाऊ यूसुफो री ल्वादा रे लोक रओ थे।
आशेरो रा खानदान
आशेरो रे पाऊ यिम्ना, यिश्वा, यिश्वी ओर बरीआ ओर तिना री बईण सेरह थी। ओर बरीआ रे पाऊ हेबेर ओर मल्कीएल थे ओर ये बिर्जोतो रा बाओ बणेया।
हेबेरो रे तीन पाऊ यपलेत, शोमेर, होताम ऊए ओर तेसरे एक बेटी बी ऊई जेसारा नाओं शूआ था।
ओर यपलेतो रे पाऊ पासक, बिम्हाल ओर अश्वात थे। यपलेतो रे यो ई पाऊ थे।
शेमेरो रे पाऊ अही, रोहगा, यहुब्बा ओर अराम थे। तेसरे पाई हेलेमो रे पाऊ सोपह, यिम्ना, शेलेश ओर आमाल थे।
सोपहो रे पाऊ सूह, हर्नेपेर, शूआल, बेरी, इम्रा। बेसेर, होद, शम्मा, शिलसा, यित्रान ओर बेरा थे।
येतेरो रे पाऊ यपुन्ने, पिस्पा ओर अरा थे।
उल्ला रे पाऊ आरह, हन्नीएल ओर रिस्या थे। यो सब आशेरो रे कुलो रे ऊए ओर आपणे-आपणे पितरा रे कराने रे मूल़ मर्द ओर बड़े वीर थे ओर परदाना बीचे बड़े थे। यो जो आपणी वंशावलिया रे मुताबिक सेना रे युद्ध करने खे गिणे गये, इना री गिणती 26,000 थी।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.