तितस

तितस

तितसा लै लिखी दी च़िठी

भेत

लिखणैं आल़अ: पल़सी

पहल़णैं आल़ै: तितस

सन: 65

तितस त एक यूनानी विश्वासी ज़ुंण पल़सीए प्रच़ारे कामां दी तेऊओ साथी अर मज़त करनै आल़अ त गअ द बणी। तितसे नाओंऐं शधाणूं पल़सीए अह च़िठी आसा पल़सीए एऊ ई ज़ुआन साथी लै लिखी दी, ज़ुंण तिधी टोलीए हेर-सभाल़ करना लै त डाहअ द। अह च़िठी करा चअन खास गल्‍ला प्रगट:

1. तितसा का फरेऊई ऐहा गल्‍ले आद कि टोलीए सैणैंओ च़ाल-च़लण किहअ लोल़ी हुअ, अह गल्‍ल आसा खासकर क्रेतै टापू रहणैं आल़ै कई बूरै च़ाल-च़लणा आल़ै भाल़ी बोली दी।

2. दुजी आसा तितसा लै एही सलाह दैनी दी कि विश्वासीए टोली दी हरेकी मणछा लै केही शिक्षा लागा दैणीं, मतलब, सैणैं मर्ध, सैणीं बेटल़ी (ज़ुंण हरेकी ज़ुआन बेटल़ी लै शिक्षा दैए) ज़ुआन मर्ध अर दास।

3. चिऊथी दैआ पल़सी तितसा लै मसीही बभारे बारै सलाह, खासकर शांत रही अर साथी-संघी हणां लै, अर नफरत, हठल़णैं अर विश्वासीए टोली दी गुटबाज़ी का बच़णा लै।

पल़सी दैआ क्रेतै टापू दी बस्सै दै मसीहा दी विश्वास करनै आल़ी ज़ुदी-ज़ुदी टोली लै खास सलाह। सह फरेऊआ तितसा का आद कि नऊंईं ज़िन्दगी भेटी हाम्हां तै ई ज़ै परमेशरै हाम्हां लै मसीहा छ़ाडअ। परमेशरै हेरै तिंयां बच़ाऊई, तिंयां धोऐ तेऊ पबित्र आत्मां करै अर ऐबै हुई नऊंईं शुरूआत ज़ेथ सदा रहणैं आल़ी ज़िन्दगीए आशा आसा। पल़सी खोज़ा कि हाम्हैं परमेशरै किहअ करै बच़ाऊऐ:

“पर तज़ी बी रहैऊअ म्हारै उद्धार करनै आल़ै परमेशरै हाम्हां का इहअ कि सह हाम्हां लै किहअ झ़ूरा अर किहअ झणैल़ू आसा। तेऊ किअ म्हारअ उद्धार। अह निं म्हारै धर्में कामां करी हुअ, पर अह हुअ इहअ करै कि तेऊ किई हाम्हां लै झींण। परमेशरै दैनी हाम्हां लै नऊंईं ज़िन्दगी। तेऊ धोऐ हाम्हैं भितरा का अर म्हारै पाप किऐ दूर, अर हाम्हैं बणाऐं तेऊ नऊंऐं साबै बभार करनै आल़ै। इहअ किअ तेऊ हाम्हां दी पबित्र आत्मां पाई।”

(3:4,5)

कताबे बांड

भेत 1:1-4

टोलीए सैणैं 1:5-16

विश्वासीए टोली दी हरेकी टोलीए ज़िम्मैंबारी 2:1-15

शिक्षा अर चतैनगी 3:1-11

नचोल़ 3:12-15