लामण

लामण

दुखे पलका शोगे गिहा

भेत

लिखणैं आल़अ: जेरमयाह।

सन: 586 का 584 ईसा आजी

ऐहा कताबा दी आसा पांज़ कबिता ज़ेथ एरुशलेम नगरीए बरैबादीए बारै खास्सअ दुख आसा प्रगट किअ द। इना कबिता लै बोला लामण ज़ुंण लिखणैं आल़ै एरुशलेम नगरीए बारै आसा बोलै दै ज़ुंण गूर थिअ।

इना कबिता पहल़ी ज़ाण्हिंआं इहअ कि एता लिखणैं आल़ै आसा दुशमण एरुशलेम बरैबाद करदै आपणीं आछी भाल़ै दै अर ज़धू ईंयां गल्‍ला हुई, सह थिअ तधू तिधी।

तेऊ गूरै हेरअ त ज़ाणीं कि एरुशलेम नगरी लै लाई बिधाता सज़ा दैई किल्हैकि कि यहूदा मुल्खे लोगै किअ घोर पाप। पर तिन्‍नां पल़अ होर बी खास्सअ दुख ज़िरनअ ज़ेतरअ तिन्‍नां लै हुअ लोल़ी त। पर तज़ी बी थिई तिन्‍नां लै आशा। एकी धैल़ै जाणीं बिधाता भिई झींण फिरी ज़ै लोग पाप करनअ छ़ाडे अर परमेशरा बाखा लै फिरे।

तेखअ डाहा हुंह तैहा गल्‍ला आद ज़ेता करै मुंह आशा रहा।

बिधाते झींण निं कधि खतम हंदी!

ज़ै सह झणैल़ू निं हंदअ,

तै गऐ तै हाम्हैं कधू खतम हई।

हर धैल़ै दोत्ती सका हाम्हैं बिधातो भरोस्सअ करी,

तेऊओ सत्त आसा महान।

हुंह बोला दिला का इहअ,

“मेरी हर ज़रुरत आसा बिधाता, तैही रहा हुंह तेऊए आसरै!”

(3:21-24)

कताबे बांड

जेरमयाह करा एरुशलेम नगरी लै शोग 1:1-22

पाप करी पल़ा बिधातो कोप 2:1-22

बिधाता निं आपणीं परज़ा कधि शोटी डाहंदअ 3:1-66

एरुशलेम नगरीए शोभा हुई खतम 4:1-22

जेरमयाह करा आपणैं लोगा लै अरज़ 5:122