याकब

याकब

याकबै लिखी दी च़िठी

भेत

लिखणैं आल़अ: याकब

पहल़णैं आल़ै: ईशू दी विश्वास करनै आल़ै यहूदी

सन: 45-48

याकबे च़िठी आसा बभारा दी ज्ञैने एक गांठल़ी ज़ुंण सारै संसारै छिंघुई करै रहणैं आल़ै परमेशरे लोगा लै आसा लिखै दै। लिखणैं आल़अ करा मसीही बभार अर च़ाल-च़लणा लै ज्ञैन अर असली गल्‍ला समझ़णें बारै सलाह खोज़णा लै ज़िऊंदी च़िज़े कथ्या खोज़ी करै समझ़ाऊई। सह करा हरेक गल्‍ला दी मसीहा दी रही बच़ार, ज़िहअ कि सेठ अर गरीबी, परिक्षा, शोभलअ च़ाल-च़लण, भेदभाब, विश्वास अर कर्म, ज़िभे बोल, समझ़कार हणअ, लल़ाई-झ़गल़ै, घमंड अर मानदारी, दुजै लै दोश लाणअ, डिंगा मारनी, सबर करनअ अर प्राथणां करनी।

अह च़िठी खोज़ा मसीही ज़िन्दगी ज़िऊंणै अर विश्वासा संघै कर्म करनअ बी केतरअ ज़रूरी आसा:

“तम्हैं निं सिधै परमेशरै बैण शुणनै आल़ै रहा, पर तेऊ साबै ज़िऊआ आपणीं ज़िन्दगी बी। नांईं ता तम्हैं आसा आप्पू लै धोखै दैंदै लागै दै कि परमेशरा हेरनै तम्हैं बच़ाऊई।”

(1:22)

कताबे बांड

भेत 1:1

विश्वास अर समझ़कार हणअ 1:2-8

गरीबी अर ज़ैदात 1:9-11

परख अर मांण 1:12-18

शुणनअ अर करनअ 1:19-27

भेदभाब करनअ हआ पाप 2:1-13

विश्वास अर कर्म 2:14-26

विश्वासी अर तेऊए ज़िभ 3:1-18

मसीही अर संसार 4:1—5:6

हरेकी रंगे सलाह 5:7-20