Kulvi Outer Seraji Bible
एज्रा 2
तिन्नां यहूदीए नाअं ज़ुंण गलामी का फिरी आऐ
(नहेमया 7:4-73)
बाबेल देशे राज़ै नबूकदनेसरै तै यहूदा मुल्खा का खास्सै मणछ गलाम बणाईं बाबेल देशा लै निंयैं दै। तिंयां फिरै तै ऐबै आपणैं घअरा लै बापस। एरुशलेम अर यहूदा मुल्खे होरी आपणीं-आपणीं नगरी गलामी का छ़ुटी ज़ुंण बापस आऐ, तिन्नें टोलीए सैणैं तै जरूबाबेल, जेशूआ, नहेमया, सरयाह, रेलायाह, मुर्दकाई, बिलशान, मिसपार, बिगबाई, रहूम अर बानाह।
इज़राईले टोली मांझ़ै ज़ुंण मणछ बापस फिरै, तिंयां थिऐ तिन्नें टोलीए साबै गणी करै एतरै:
पारोश टोली का 2,172
शपताह टोली का 372
आराह टोली का 775
जेशूआ अर जोआबे लुआदा मांझ़ै पहात-मोआब टोली का 2,812
एलाम टोली का 1,254
ज़ाटू टोली का 945
जक्कई टोली का 760
बैनी टोली का 642
बेबाई टोली का 623
अजगादे टोली का 1,222
अदोनीकाम टोली का 666
बिगबाई टोली का 2,056
आदीन टोली का 454
हिजकिया राज़े लुआदा मांझ़ै अतेर टोली का 98
बेसाई टोली का 323
जोराह टोली का 112
हशूम टोली का 223
गिबार टोली का 95
बेतलेम नगरीए टोली का 123
नतपाह टोली का 56
अनातोत टोली का 128
बेथ-अज़मबेथ टोली का 42
किर्यात-ज़रीम, कपीरा अर बरोत टोली का 743
रामाह अर गिबा टोली का 621
मिकमाश टोली का 122
बेतेल अर एई टोली का 223
नेबो नगरीए 52
मागबीशे आद-लुआदा मांझ़ै 156
एलामे आद-लुआदा मांझ़ै 1,254
हारीमे आद-लुआदा मांझ़ै 320
लूद, हादीद अर ओनो नगरीए मणछ 725
जेरिहो नगरी रहणैं आल़ै 345
सेनाह नगरीए 3,630 मणछ।
ज़ुंण प्रोहत गलामी का फिरी आऐ, तिंयां थिऐ ईंयां:
जेशूए आद-लुआद, जदाया प्रोहते टबरा मांझ़ै 973
इमेरे प्रोहते टबरा मांझ़ै 1,052
पशहूरे प्रोहते टबरा मांझ़ै 1,247
1,017 थिऐ हारीम प्रोहते टबरा मांझ़ै।
ज़ुंण लेबी गलामी का फिरी आऐ, तिंयां थिऐ ईंयां:
होदाबये आद-लुआदा मांझ़ै जेशूआ अर कदमीएले खिंबा का 74
असाप घैरीए आद-लुआदा मांझ़ै 128
प्रऊल़ीए पहरी शलूम, अतेर, तलमोन, अकूब, हतीता अर शोबाईए आद-लुआदा मांझ़ै आऐ 139 ज़ण्हैं।
बिधाते भबनै च़ाकरी करनै आल़ेए आद-लुआदा मांझ़ै आई नतीन, सीहा, हसूपा अर तबाओत टोलीए आद-लुआदा मांझ़ै ईंयां बाबेल देशे गलामी का फिरी:
केरोस, सिआह, पदोन,
लिब्ना, हगाबा, अकूब
हागाब, शालमाई, हनान
गदेल, गहर, रायाह
रसीन, नकोदा, गज़ाम,
उज्ज़ा, पसेह, बेसाई,
असना, मूनीम, नपूसीम,
बकबूक, हकूपा, हरहूर,
बसलूत, महीदा, हरशा,
बारकोस, सिसरा, तेमाह,
नसीह अर हतीपा टोली।
राज़ै सुलैमाने च़ाकरी करनै आल़ेए आद-लुआदा मांझ़ै ज़ुंण बाबेल देशे गलामी का बापस फिरै तिंयां थिऐ:
सोताई, सोपरेत, परुदा,
जालाह, दरकोन, गदेल,
शपताह, हतील, पोकरेत-हाजबीम अर आमीए आद-लुआदा मांझ़ै।
बिधाते भबनै च़ाकरी करनै आल़ै अर राज़ै सुलैमाने च़ाकरी करनै आल़ेए आद-लुआदा मांझ़ै आऐ ईंयां पठी चअन शौ बैनूंऐं ज़ण्हैं फिरी।
छ़ह शौ बुंजा ज़ण्हैं आऐ दलाया, तोबियाह, अर नकोदा टोली का। तिंयां आऐ तेल-मेलाह, तेल-हरशा, करूब अदान अर इमेर नगरी का। पर तिंयां निं ऐहा गल्लो पाक्कअ सबूत दैई सकै कि तिंयां बी आसा इज़राईलीए आद-लुआदा मांझ़ै।
प्रोहते टोली मांझ़ै ज़ुंण आपणैं इज़राईले खिंबा का हणैंओ सबूत नांईं दैई सकै तिंयां थिऐ इने आद-लुआदा मांझ़ै: हाबिया, हकोज़ अर बर्ज़िलै। प्रोहते टोली मांझ़ै इने दाद-बाब बर्ज़िलै थिअ गलादे एकी बर्ज़िले शोहरी संघै बैह किअ द अर तेऊए टोली च़ली आजू तेऊए शौहरै बर्ज़िले नाओंऐं। तिहअ करै निं तिंयां इज़राईली मांझ़ै प्रोहते खिंबा का हणैंओ सबूत दैई सकै अर तिंयां निं मनै आथी, संघा किऐ तिंयां प्रोहतच़ारी का दूर। यहूदी राज़पालै बोलअ तिन्नां लै इहअ कि तम्हैं निं ज़ेभै तैणीं हाम्हां का पाक्कअ थोघ निं लागे कि तम्हैं प्रोहत आसा कि नांईं तेभै तैणीं निं तम्हैं कोही पबित्र च़िज़ा मांझ़ै खाई।
गलामी का आऐ पठी बयाल़ी हज़ार चअन शौ शाठ ज़ण्हैं फिरी।
इना का लाऊआ आऐ दासा मांझ़ै मर्ध अर बेटल़ी पठी सात हज़ार चअन शौ सैईंती।
गाज़ै-बाज़ै आल़ै मांझ़ै आऐ मर्ध अर बेटल़ी पठी दूई शौ।
इना संघै तै सात शौ छत्ती घोल़ै,
दूई शौ पंजताल़ी खच़रा,
च़ार शौ पैंईंती ऊँट अर
छ़ह हज़ार सात शौ बिह गाधै।
ज़ांऊं गलामी का फिरै दै लोग एरुशलेम बिधाते भबनै पुजै, तिन्नां मांझ़ै दैनी कई टोलीए सैणैं बिधाते भबना तैहा ई ज़ैगा भिई च़िणना लै मज़त। ज़ेतरअ-तिन्नां का पुगा त, तिन्नैं दैनी एऊ कामां लै तेतरी-तेतरी मज़त। पठी ज़ोल़ करी हुअ पांज़ कुंटल़ सुन्नअ, ठाई कुंटल़ च़ंदी अर एक शौ दैनै प्रोहता लै च़ोल़ै।
प्रोहत, लेबी अर धख होर लोग बस्सै एरुशलेम, गाज़ै-बाज़ै आल़ै, बिधाते भबने पहरी अर बिधाते भबनै च़ाकरी करनै आल़ै बस्सै एरुशलेम नेल़ होरी नगरी अर इना का लाऊआ होर इज़राईली डेऊऐ आपणीं तिन्नां नगरी लै रहंदै ज़िधी तिन्नें दाद-बाब थिऐ बस्सै दै।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.