बधान

बधान

बधान ज़ुंण मोसा जरदण नदी आर दुजी बारी खोज़अ

भेत

लिखणैं आल़अ: मोसा

सन: 1446 का 1405 ईसा आजी

मिसर देशा का निखल़ी च़ाल़्ही साला बाद गऐ तै इज़राईली जरदण नदी जरदण नदी आर बाखा डेरै पाऐ दै अर तिंयां थिऐ पार डेऊई कनान देशै आपणैं कबज़ै करना लै तैर्हुऐ दै। पर बिधाता किई मोसा लै नांह कि ताह रहंदी निं इज़राईली कनान देशै पुजणैं। बिधाता हेरअ मोसा का इहअ बी खोज़ी कि तूह मरनअ ऐबै ऐहा जरदण नदी पुर्बा बाखा ज़ैगा। तेखअ खोज़ै मोसा इज़राईली का ईंयां बधान अर एथ आसा कई एही गल्‍ला बी भिई खोज़ी दी ज़ुंण बिधाता पैहलै ई थिई खोज़ी हेरी दी।

मोसा खोज़ै दुजी बारी ईंयां बधान बाढै ज़ुंण तेऊ इज़राईली का पैहलै ई हेरै तै खोज़ी। एथ आसा खासकर बधान हर गल्‍ले बधान खोज़ै दै तैही आसा ऐहा कताबा नाअं बधान।

मोसा फरेऊई इज़राईलीए नऊंईं पोस्ती का हुई-बिति दी च़ाल़्ही साले आद बी। तेऊ खोज़ी ईंयां गल्‍ला कि बिधाता किहै आणै इज़राईली मिसर देशा का काढी अर पर इज़राईली किअ कई बारी बिधाता लै विश्वास घात ई।

मोसा डाहअ इज़राईली का खोज़ी, ज़ै तम्हैं बिधाते बधान ज़िहै खोज़ै तिहै ई मने, तै हणीं तम्हैं सफल अर बलबान ज़ाती। पर ज़ै बिधाते बधान छ़ाडी मुहुर्ती पूज़दै लागे, तेखअ सका तम्हां लै बिधातो कोप पल़ी अर नां तेखअ तम्हैं आपणैं दुशमणा का ज़ितणैं अर नां तेखअ थारी ज़िन्दगी बच़णीं नां थारी ज़ैगा।

प्रभू ईशू मसीहा का बी ज़ांऊं इहअ पुछ़अ कि बधानो कुंण हुकम आसा सोभी का खास? प्रभू ईशू मसीहा बी खोज़अ त ऐहा कताबा दी लिखअ द अह हुकम:

“इज़राईल! शुण, तम्हैं करै आपणैं परमेशर बिधाता लै आपणअ सारअ मन्‍न, प्राण अर आपणअ सारअ ज़ोर लाई झ़ूरी। बडअ अर पैहलअ हुकम आसा अह ई।”

(6:4,5)

कताबे बांड

मोसा खोज़ी हुई-बिति दी गल्‍ला 1:1—4:43

मोसा खोज़अ इज़राईली का, बिधाता किज़ै च़ाहा 4:44—29:1

इज़राईली रहै बिधाते करारा दी टेक्‍की 29:2—30:20

मोसे पदबी दैनी ज़ैहसू लै 31:1-13

इज़राईली करनअ बिधाता लै विश्वास घात 31:14-29

मोसा बोली गिह 31:30—32:47

मोसा भाल़ी दूरा का कनान देशे ज़ैगा संघा दैनी इज़राईला लै बर्गत 32:48—33:29

मोसा शोटै प्राण 34:1-12