2 थिस्सलूणी

2 थिस्सलूणी

थिस्सलूणी नगरीए विश्वासी टोली लै दुजी च़िठी

भेत

लिखणैं आल़अ: पल़सी

पहल़णैं आल़ै: थिस्सलूणी नगरीए विश्वासी

सन: 51

मसीहे फिरी एछणें बारै उलझ़ण पल़णें बज़्हा ती थिस्सलूणी नगरीए विश्वासी टोली दी गड़बडी पैईदा हुई दी। थिस्सलूणी नगरीए विश्वासी टोलीए नाओंए पल़सीए दुजी च़िठी ती लिखी दी ऐहा गल्‍ला दी बच़ार करने बारै लिखी दी कि मसीहे फिरी एछणें धैल़ी आसा गई दी पैहलै ई नेल़ एछी। पल़सी समझ़ाऊआ इहअ खोज़ी करै कि मसीहे फिरी एछणैं का आजी हणीं निक्‍की सोठ अर बूराई आपणीं हदा का बागै। इहअ हणअ एकी नुआहरै राज़ैए गलामी दी ज़हा लै, “पापो मर्ध मतलब बनाशो शोहरू” आसा बोलअ द, ज़हा मसीहो बरोध करनअ।

शधाणूं दैआ ऐहा गल्‍ला दी रहणा लै ज़ोर कि सारै दुख अर कष्ट ज़िरदी लागा तेऊए पहल़णैं आल़ै विश्वासा दी मज़बूत रहणअ बणी। आपणीं गरज़ा पूरी करना लै लागा रहणअ काम-काज़ करदै लागी ज़िहअ कि पल़सी अर तेऊए साथी करा तै, अर भलाई करदै बी रहणअ लागी।

पल़सी नैरा इहअ कि ज़ैऊंकर निं हणअ अर इहअ बी बोला कि आपणीं टोली दी डाहै धैन कि कुंण इहअ किनी आसा ज़ुंण मेरी ऐहा च़िठी दी लिखी दी गल्‍ला नांईं मंदअ होए। खिरी मुक्‍का च़िठी पल़सीए परमेशरा सेटा एही अरज़ करनै करै:

“प्रभू ज़ुंण शांती दैणैंओ मूल़ आसा, हुंह करा तेऊ का एही अरज़ कि तेऊ लोल़ी तम्हां लै एही बर्गत दैनी कि सह तम्हां लै शांती दैए। हुंह करा प्राथणां कि प्रभू लोल़ी कबल्‍लअ तम्हां सोभी संघै रहअ।”

(3:16)

कताबे बांड

भेत 1:1,2

स्तोती अर बड़ैई 1:3-12

मसीहे फिरी एछणें बारै शिक्षा 2:1-17

मसीही बभारे बारै शिक्षा 3:1-15

नचोल़ 3:16-18