1 तिमोथी

1 तिमोथी

तिमोथी लै लिखी दी पैहली च़िठी

भेत

लिखणैं आल़अ: पल़सी

पहल़णैं आल़ै: तिमोथी

सन: 64-65

तिमोथी त एक ज़ुआन मसीही एशिया मुल्खो रहणैं आल़अ, तेऊए ईज ती यहूदी अर बाब त यूनानी। सह बणअ पल़सीए प्रच़ारे कामां दी साथी अर तेऊए मज़त करनै आल़अ। तिमोथीए नाओंए शधाणूं पल़सीए पैहली च़िठी लिखी ती चिई खास गल्‍ला दी बच़ार करना लै।

सोभी का आजी आसा अह च़िठी झ़ुठी शिक्षे खलाफ चतैनगी। सह शिक्षा ती यहूदी अर होरी ज़ातीए मिल़ी-ज़ुल़ी समझ़। सह थिई ऐहा धारणा प्रैंदै कि अह आछी शुझदअ संसार ई आसा बूरअ अर एकी मणछा लागा खास गुप्त ज्ञैन अर रिती-रबाज़ ज़िहअ कि कई खाणें च़िज़ा निं खाणीं, अर बैह निं करनअ एही कई गल्‍ला, करै ई सका उद्धार भेटी। ऐहा च़िठी दी आसा टोलीए इंतज़ाम अर आराधने बारै बी सलाह, संघा आसा तेऊ च़ाल-च़लणें बारै बी खोज़अ द ज़ुंण टोलीए सैणैं अर साथी लै ज़रूरी आसा। खिरी आसा दैनी दी तिमोथी लै अह सलाह कि सह किहअ करै सका बणी प्रभू ईशूओ एक शोभलअ दास। हरेक विश्वासी टोलीए बारै तेऊए किज़ै-किज़ै ज़िम्मैंबारी आसा।

पल़सी बोला इहअ कि मसीहा दी विश्वास करनै आल़ै हर मणछा लागा सोभी लै प्राथणां करनी अर सह गल्‍ल आद डाहणीं:

“परमेशर आसा एक्‍कै, अर परमेशरा अर मणछा मांझ़ै मेल़-ज़ोल़ करनै आल़अ खणोढी बी आसा एक्‍कै, सह आसा मसीहा ईशू।”

(2:5)

कताबे बांड

भेत 1:1-2

विश्वासीए टोली अर तेते सैणें बारै सलाह 1:3—3:16

तिमोथी लै तेऊए कामें बारै सलाह 4:1—6:21