Zabuuriiwwan 125

Allaahan Amanamtoota Isaa Ni eega

Zabuurii ol baʼuu.

1Warri Rabbii Allaah amanatan akka Tulluu Xiyoon

kan hin raafamne, kan bara baraan jiraatu sanaa ti.

2Akkuma tulluuwwan Yerusaalemin marsan sana,

Rabbii Allaahan ammaa jalqabee hamma bara baraatti,

saba isaa ni marsa.

3Akka qajeeltonni jalʼina hojjechuuf

harka isaanii ol hin diriirfanneef,

bokkuun hamootaa lafa qajeeltotaaf

ixaadhaan qoodame irra hin jiraatu.

4Rabbii Allaah, warra gaariif,

warra garaa isaaniitiin toloota taʼaniifis waan gaarii godhi.

5Warra karaa micciiramaatti garagalan garuu,

Rabbii Allaahan akkuma warra hammina hojjetan balleessu jaras ni balleessa.

Nagaan Israaʼeliif haa taʼu.