Zabuuriiwwan 124

Fayyisaa Israaʼel

Zabuurii ol baʼuu. Zabuurii Daawud.

1Israaʼel akkana haa jedhu:

Utuu Rabbii Allaahan garee keenya taʼuu baatee,

2utuu Rabbii Allaahan garee keenya taʼuu baatee,

yommuu namoonni nutti kaʼanitti,

3yommuu aariin isaanii nutti bobaʼetti,

silaa isaan utuu nu lubbuun jirruu nu liqimsu turan;

4lolaan nu liqimsee

dhaʼaan bishaanii nurra yaaʼa ture;

5bishaan hamaan

nu fudhatee bada ture.

6Rabbii Allaahan akka nu ilkaan isaaniitiin cicciramnuuf

dabarsee itti nu hin kennin sun haa eebbifamu.

7Akkuma simbirri kiyyoo adamsituu jalaa baatu,

nu isaan jalaa baaneerra;

kiyyoon ni ciccite;

nus jalaa baane.

8Gargaarsi keenya maqaa Rabbii Allaaha,

Uumaa shamaayʼunii fi lafa sanaa ti.