Ekyeshongoro kya Sulemaani 3

Okusherura Kristo n'okumubona

11

Ku naabaire ndi aha kitanda kyangye nyekiro,

Naasherura ou omutima gwangye gukunda;

Naamusherura, kwonka tinaamureeba;

2Nikwo kugira nti: Ka nyimukye, ngyendagyende omu rurembo,

Omu nguuto n'omu nteeraniro z'emihanda,

Nsherure ou omutima gwangye gukunda.

Naamusherura, kwonka tinaamureeba. 32

Abarinzi abarikugyendagyenda omu rurembo bandeeba;

Naababuuza nti: Mwareeba ou omutima gwangye gukunda? 43

Ku naabaire naabarugaho nti,

Naareeba ogwo ou omutima gwangye gukunda,

Naamukwata, naayanga kumurekura,

Okuhitsya obu naamuhikize omu nju ya maawe,

Omu kishengye ky'owanzaire.

Kishwera

54

Imwe baishiki ba Yerusaalemu 'mwe,

Nimbarahiza esirabo n'ebuguma y'empara,

Mutasiisimura nkunzi yangye, n'obu kwakuba okumwimutsya,

Atakeeyendeire.

Kishwerwa

65

Oriya n'oha orikuruga omu ihamba,

Orikushusha enyomyo y'omwika,

Oyoteire sumuruna n'obubaane n'emigaju yoona ey'abashuubuzi?

7Reeba, n'engozi ya Sulemaani

Eyeehinguririziibwe abashaija b'amaani makumi mukaaga

Ab'omu mamanzi ga Israeli;

8Boona bahagatiire zaarurara, n'amahano omu kurwana;

Buri muntu aine rurara aha kibero kye

Ahabw'okutiina akabi nyekiro.

9Omugabe Sulemaani akeekorera engozi y'ekitiinisa

Omu miti ya Lebanooni;

10Yaakora enyomyo zaayo omu feeza,

Eky'okwegamira kyayo kyaba eky'ezaabu,

Aharikushutamwa yaahakoresa omwenda gwa bujwa,

N'omunda yaayo haakorwa abaishiki ba Yerusaalemu na rukundo. 116

Imwe baishiki ba Saayuuni 'mwe, nimushohore,

Mureebe omugabe Sulemaani,

Aine ekirunga eki yaajwekirwe nyina

Aha izooba eri yaashwereireho,

Niryo izooba eri omutima gwe gwananukiireho.