Runyankore - Rukiga Bible 1964
Zaaburi 80
Okushaba Ruhanga okusaasira abantu be n'okubagarura busya
Aha Mukuru w'abeeshongozi, omu iraka eririkwetwa Emyangangye. Zaaburi y'ebi Asafu yaahamize
Tega okutu, Iwe Omuriisa wa Israeli,
Oyebembera Yosefu nk'obusyo!
Iwe oshutama aha kitebe ahagati ya baakerubi, jwisa omushana gwawe! 2
Omu maisho ga Efuraimu, Benyamiini na Manaase
Sisiimura amaani gaawe, oije otujune! 3
Otugarure aha buteeka, ai Ruhanga,
Otwakize amaisho gaawe, tubone kujunwa! 4
Ai MUKAMA Ruhanga ow'amahe,
Oryahitsya hi okugwerwa kubi okushaba kw'abantu baawe? 5
Obagaburiire okurira nk'eby'okurya,
Waabanywaisa amarira maingi munonga. 6
Otuhindwire eki bataahi baitu barikurwanira;
Abazigu baitu nibeeshekyera.
Ai Ruhanga ow'amahe, otugarure aha buteeka;
Otwakize amaisho gaawe, tubone kujunwa. 7
Okaiha omuzaabibu omuri Misri,
Waabinga amahanga, waagubyara.
Waaguhingirira, gwahitsya emizi okuzimu,
Gwabuga ensi.
Gwarandira aha bibungo byona,
N'amataagi gaagwo gaashweka emyereezi mihango; 8
Gwanaga amataagi, gaahika aha Nyanja,
Gwazaara abaana, baahika aha Mugyera mukuru. 9
Mbwenu ahabw'enki osheenyire orugo rwagwo,
Ngu abahinguzi boona bagucweho? 10
Engiri z'omu ihamba nizigushiisha,
Enyamaishwa z'omu ishwa nizigwona. 11
Ai Ruhanga ow'amahe, nitukweshengyereza otugarure aha buteeka,
Oyeme omu iguru, oreebe oyetegyereze,
Ote omutima ahari ogu muzaabibu, 12
Ekitsintsi kyawe eki waayebyariire,
Kandi eitaagi eri waayehamiize. 13
Bagwokize n'omuriro, baagutema.
Nkaahenwa ki bahwerekyerezibwa okuhana kw'ekitsyori kyawe! 14
Kwonka omukono gwawe gugume aha muntu waawe 15empika,
Aha mwana w'omuntu ou waahaire amaani kukugasira. 16
Mbwenu obwo naitwe titurigaruka enyima, tukakutsigaho;
Otuhe amagara, tugume tutakire eiziina ryawe! 17
Ai MUKAMA Ruhanga ow'amahe, otugarure aha buteeka,
Otwakize amaisho gaawe, tubone kujunwa!
Source notes (17)
- Cross-reference Zab 50:2; 77:20; 99:1; 2 Sam 6:2; 1 Sam 4:4; Kur 25:22.
- Cross-reference Kub 2:18-24.
- Cross-reference Zab 60:1; 85:4; 1 Bag 18:37; Kub 6:25.
- Cross-reference Zab 59:5; 79:5.
- Cross-reference Zab 42:3; 102:9.
- Cross-reference Zab 44:13.
- Cross-reference Zab 44:2; Isa 5:1, 7; Yer 2:21; Ezk 17:6; Mak 12:1.
- Cross-reference Zab 72:8.
- Cross-reference Zab 89:40; Isa 5:5.
- Cross-reference Yer 5:6.
- Cross-reference Isa 63:15.
- Cross-reference Kut 49:22.
- Cross-reference Isa 33:12.
- Cross-reference Zab 89:21.
- Footnote Omuntu waawe empika, omu Ruheburayo n'omuntu ow'omukono gwawe gwa buryo.
- Cross-reference Zab 71:20.
- Cross-reference Zab 80:3.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.