Skip to content
BibleKenya
RUNYANKO Zaaburi 78 Verse

Runyankore - Rukiga Bible 1964

Zaaburi 78

Ebirikwijutsya oku Ruhanga yaayebembeire abantu be omu rugyendo rwabo

Zaaburi ya Asafu eyagunzirwe n'obwengye

1

Imwe bantu bangye 'mwe, nimuhurire okwegyesa kwangye,

Mutege amatu ebigambo, ebirikuruga omu kanwa kangye. 2

Ndyayashamya akanwa kangye, ncwe enfumu;

Ngambe ebitarikushobooroka ebya ira, 3

Ebi twahuriire tukamanya,

Ebi baatatenkuriitwe baatugambiire. 4

Tituribishereka baana baabo,

Kureka turyagambira ab'obusingye oburiija

Eby'ekitiinisa ebi MUKAMA yaakozire n'amaani ge,

N'eby'okutangaaza ebi yaakozire. 5

Ahakuba akataho eby'okumuhamya omuri Yakobo,

Yaaragiira ekiragiro omuri Israeli,

Ebi yaaragiire baatatenkuriitwe kwegyesa abaana baabo, 6

Ngu ab'obusingye oburiija babimanye, nibo baana abarizaarwa,

Bakaimuka, bakabigambira abaana baabo; 7

Ngu babone kwesiga Ruhanga, n'okuteebwa mirimo ye,

Kureka boorobere ebiragiro bye; 8

Kandi barekye kuba nka baishenkurubo

Ab'obusingye obugangaire obw'obugomi,

Abaabaire baine emitima etahamiire hamwe,

Kandi abaagizire omwoyo ogutarikwesigwa ahari Ruhanga.

Abefuraimu, abaabaire bahagatiire amata,

Bakahunga aha izooba ry'orugamba. 9

Tibararinzire ndagaano ya Ruhanga,

Bakanga kugyenda nk'oku ebiragiro bye biri. 10

Baayebwa ebi yaakozire,

N'eby'okutangaaza ebi yaaboorekire. 11

Akakora eby'okutangaaza omu maisho ga baishenkurubo,

Omu nsi ya Misri n'omu mariisizo ga Zoani. 12

Yaabaganisa enyanja, yaagibarabyamu,

Yaayemereza amaizi, gaaba nk'omugongo. 13

Nyomushana abeebembeza ekicu,

Kandi nyekiro abeebembeza omuriro gurikwaka. 14

Akaata enkiri omu ihamba,

Yaabanywaisa amaizi maingi nk'agarikuruga aha nshuro z'okuzimu.

Akaigura enshuro omu rukiri,

amaizi gaahimintika nigashuuma nk'emigyera. 15

Kwonka baayeyongyera kumucumuraho,

Nibagomera Rukira-boona bari omu ihamba. 16

Baagyeza Ruhanga omu mitima yaabo,

Nibamushaba eby'okurya ebi baayetengire. 17

Baagamba nibagaya Ruhanga, nibagira bati:

Ebyo Ruhanga naabaasa kutugaburira eby'okurya omu ihamba?

N'eky'amazima akateera orukiri, amaizi gaahimintika, emigyera yaashandaara,

Beitu naabaasa kuha abantu be eby'okurya, abahe n'enyama? 18

N'ahabw'ekyo MUKAMA ku yaakihuriire, yaakwatwa ekiniga;

Omuriro gwahembwa kwotsya Yakobo,

Ekiniga kyacumbuukira Israeli;

Ahabw'okuba tibaraikiriize Ruhanga, n'obu kwakuba okwesiga okujuna kwe. 19

Kwonka yaaragiira ebicu by'omu iguru,

Yaigura enyigi z'eiguru, 20

Yaabagwisiza emaanu ey'okurya,

Yaaguma naabaha engano z'eiguru.

Abantu baarya aha mugaati gw'ekinyamaraika,

Yaabagaburira, baahaaga. 21

Yaareeta omuyaga gw'oburugwa-izooba, gwahuuha omu iguru,

Ahabw'amaani ge yaahabura omuyaga gw'obukiizi-bwa-buryo;

Yaabagwisiza enyama nyingi nk'omucuucu,

Endahi ezirikwingana nk'omusheenyi gw'omu nyanja;

Yaazigwisa ahagati omu nsiisira zaabo

Embaju zoona ez'amahema gaabo;

Batyo baarya, baahaagira kimwe;

Ahakuba akabaha eki baayetengire; 22

Kwonka ku baabaire batakahweire kwetenga,

N'enyama zikiri omu kanwa kaabo,

Ekiniga kya Ruhanga kyabagwaho,

Kyabitamu ab'amaani,

Kyahwerekyereza abatsigazi ba Israeli. 23

Kwonka ebyo byona n'obu biraabe byabaireho, bakaguma nibashiisha,

Tibaikiriza by'okutangaaza ebi yaakozire. 24

N'ahabw'ekyo yaafiisa ebiro byabo busha,

N'emyaka yaabo baagimara baine obwoba. 25

Ku yaabaire abaita, bamusherura;

Beeteisa, beezirika kusherura Ruhanga. 26

Kandi baijuka ku Ruhanga ari orukiri rwabo,

Ruhanga Rukira-boona ku ari Omucunguzi waabo. 27

Kwonka bamuha ekitiinisa ky'aha minwa,

Nibamubeha n'endimi zaabo; 28

ahakuba emitima yaabo ekaba etamuhamiireho,

Kandi batari beesigwa ha ndagaano ye. 29

Kwonka We ahabw'embabazi ze nyingi

Yaabasaasira okutahikiirira kwabo,

Tiyaabahwerekyereza;

Kaingi akaba ayezibira kubagwerwa kubi,

Areka kubamariraho ekiniga kye kyona. 30

Aijuka ku bari abantu-buntu,

Nk'omuyaga oguhingura, gutagarukye.

Ka ni kaingi obu baamugomera omu ihamba,

Bakamugwisiza kubi ahatatuurwa bantu! 31

Bakaguma nibamugyeza,

Baakwatsa ekiniga Orikwera wa Israeli. 32

Tibaijuka bushoboorozi bwe,

N'obu ryakuba eizooba eri yaabakiriizeho abazigu baabo, 33

Obu yaakora obumanyiso omuri Misri,

N'eby'okutangaaza omu mariisizo ga Zoani.34 35

Akahindura emigyera yaabo eshagama,

Tibaabaasa kunywa maizi gaayo. 36

Yaabateeza emizinga y'enshohera, zaabaruma,

N'ebikyere ebyabahwerekyereize. 37

Yaariisa emisiri yaabo kanyananga,

N'ebi baahingire yaabiriisa enzigye. 38

Yaateeza emizaabubu yaabo orubaare,

N'emisikamoori yaabo yaagiitsa embeho y'enyababa. 39

Yaareka ente zaabo, zaateerwa orubaare,

N'amasyo gaabo gaateerwa enkuba. 40

Yaabashukaho ekiniga kye kingi,

Okuguubwa kubi, okutamwa, n'enaku,

Nigwo mutwe gwa baamaraika abarikuhwerekyereza.

Akacwera ekiniga kye ekirarai,

Tiyaabakiza kufa, kureka yaahayo amagara gaabo kubonabonesibwa. 41

Yaita emijigaijo yoona omuri Misri,

Abaana b'amaani gaabo ag'okubanza omu mahema ga Haamu. 42

Kwonka abantu be yaabeebembera nk'entaama, naabashohoza,

Yaabahabura, naabarabya omu ihamba nk'amasyo g'entaama. 43

Yaabeebembera gye, tibaatiina;

Kwonak enyanja yaamira abazigu baabo. 44

Yaabahitsya aha mwatano gw'ensi ye erikwera,

N'aha kibungo, eki yaakubwire n'omukono gwe gwa buryo. 45

Yaabingamu amahanga, gaabahunga;

Yaagibabaganisiza kuba obuhunguzi bwabo,

Yaata enganda za Israeli omu mahema gaabo. 46

Kwonka baagyeza Ruhanga Rukira-boona, baamugomera,

Tibaata mutima aha bi yaahamize; 47

Kureka baagaruka enyima, baagobya nka baishenkurubo;

Baategama nk'obuta obureebya nyinabwo; 48

Ahabw'okuba bakamukwatsa ekiniga n'emyanya yaabo mikuru ey'okuramizamu,

Baamwitsya eihari n'ebishushani byabo ebibaizire. 49

Ruhanga ku yaakihuriire, yaagira ekiniga kingi,

Yaayangira kimwe Israeli; 50

N'ahabw'ekyo yaatsigaho eihema rye omuri Shiilo,

Eri yaabaire atuuramu omu bantu, 51

Yaahayo eshanduukye y'amaani ge kunyagwa,

Kandi ey'ekitiinisa kye omu mikono y'abazigu. 52

Yaareka abantu be kwitwa rurara,

Yaagirira obuhunguzi bwe ekiniga. 53

Omuriro gwayokyeza kimwe abatsigazi baabo,

N'abaishiki baabo tibaagaruka kweshongorera ha bugyenyi. 54

Abanyamurwa baabo baitwa rurara,

N'abafaakzi baabo tibaabacurira. 55

Bwanyima Mukama yaasisiimuka nk'owaaba agwejegyeire,

Nk'omushaija ow'amaani orikuyombesibwa viinyo;

Yaateera abazigu be, yaabagarura enyima,

Yaabataho ekihemu eky'ebiro n'ebiro.

Kandi yaayanga eihema rya Yosefu,

Tiyaatoorana ruganda rwa Efuraimu; 56

Kureka yaatoorana orwa Yuda,

N'ekibungo Saayuuni eki akunda. 57

Yaayombeka Omwanya gwe ogurikwera gwaba nk'enshozi ndaingwa,

Kandi gwaguma nk'ensi ei yaahamiize kimwe. 58

Yaatoorana Daudi omwiru we,

Yaamwiha omu ntaama, 59

Omu kuriisa ebuguma ezirikwontsya

Ngu ariise Yakobo abantu be, na Israeli obuhunguzi bwe. 60

Yaabariisa n'omutima gw'amazima,

Yaabeebembeza obwengye bw'emikono ye.

Source notes (60)
  1. Cross-reference Zab 49:1; Isa 51:4.
  2. Cross-reference Zab 49:4; Mat 13:35.
  3. Cross-reference Zab 44:1.
  4. Cross-reference Kur 12:26, 27; Bir 4:9; Yos 4:6, 7.
  5. Cross-reference Zab 147:19.
  6. Cross-reference Zab 102:18.
  7. Cross-reference Zab 105:45.
  8. Cross-reference Kur 32:9; 2 Bag 17:14; Yer 5:23.
  9. Cross-reference 2 Bag 17:15.
  10. Cross-reference Zab 106:13; Isa 17:10; Yer 2:32.
  11. Cross-reference Kur 7:8—12:32.
  12. Cross-reference Kur 14:21; 15:8.
  13. Cross-reference Kur 13:21.
  14. Cross-reference Zab 105:41; Kur 17:6; Kub 20:11; Isa 48:21.
  15. Cross-reference Bir 9:22; Isa 63:10; Heb 3:16.
  16. Cross-reference Zab 106:14; Kur 17:2; Kub 11:4; Bir 6:16; 1 Kor 10:9.
  17. Cross-reference Zab 23:5; Kur 16:3; Kub 21:5.
  18. Cross-reference Zab 95:10; Kub 11:1.
  19. Cross-reference Kut 7:11; Mal 3:10.
  20. Cross-reference Kur 16:4; Neh 9:15, 20; Yoh 6:31; 1 Kor 10:3.
  21. Cross-reference Kub 11:18-20, 31.
  22. Cross-reference Kub 11:33, 34.
  23. Cross-reference Kub 14:1-4, 11.
  24. Cross-reference Kub 14:29, 35; 26:64, 65.
  25. Cross-reference Zab 63:1; Hos 5:15.
  26. Cross-reference Bir 32:4, 15.
  27. Cross-reference Isa 29:13; 57:11; Ezk 33:31.
  28. Cross-reference Zab 51:10; Byak 8:21.
  29. Cross-reference Zab 86:15; Neh 9:17; Kub 14:20; Kur 34:6.
  30. Cross-reference Kut 6:3; Yob 7:7; Yak 4:14.
  31. Cross-reference Zab 71:22.
  32. Cross-reference Bar 8:34.
  33. Cross-reference Zab 105:27-36.
  34. Cross-reference Kur 7:3; 11:9, 10.
  35. Cross-reference Kur 7:17-21.
  36. Cross-reference Kur 8:2-14, 21-24.
  37. Cross-reference Kur 10:12-15.
  38. Cross-reference Kur 9:22-25.
  39. Cross-reference Kur 9:19-21.
  40. Cross-reference Kur 12:13, 23; 2 Sam 24:16.
  41. Cross-reference Zab 105:23, 36; Kur 12:29.
  42. Cross-reference Zab 77:20.
  43. Cross-reference Kur 14:13, 19, 20, 27, 28.
  44. Cross-reference Zab 68:16; Kur 15:17.
  45. Cross-reference Zab 44:2; Yos 23:4.
  46. Cross-reference Bar 2:11, 12.
  47. Cross-reference Hos 7:16.
  48. Cross-reference Lev 26:30; Bir 12:3; 31:29; 32:16; Ezk 20:28.
  49. Cross-reference Zab 106:40.
  50. Cross-reference Yos 18:1; 1 Sam 4:11; Yer 7:12-14.
  51. Cross-reference 1 Sam 4:21.
  52. Cross-reference 1 Sam 4:10.
  53. Cross-reference Zab 89:46; Yer 7:34.
  54. Cross-reference 1 Sam 4:11; Yob 27:15.
  55. Cross-reference Zab 73:20; Isa 42:13.
  56. Cross-reference Zab 87:2.
  57. Cross-reference 1 Bag 6:1-14.
  58. Cross-reference 1 Sam 16:11-13.
  59. Cross-reference 2 Sam 5:2; 7:8; Mik 5:2-4.
  60. Cross-reference Zab 101:2; 1 Bag 9:4.

Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.