Runyankore - Rukiga Bible 1964
Zaaburi 70
Okushaba Ruhanga okurahuka kutuhwera omu bworo bwaitu
Aha Mukuru w'abeeshongozi. Zaaburi ya Daudi ahabw'empongano y'okwijutsya
Ikiriza kunjuna, ai Ruhanga!
Ai MUKAMA orahukye kumpwera!2 3
Abarikwenda kuunyita
Bahemurwe, bashoberwe;
N'abarikwesiima naakorwa kubi bagarurwe enyima, bagaywe.
Abarikunteerera enaku, nibagira bati: Otyo! Otyo!
Batsigweho ahabw'enshoni zaabo. 4
Boona abarikukusherura bashemererwe, bananukire omuriiwe!
Abarikukunda okujuna kwawe bagume bagire bati:
Ruhanga aheebwe ekitiinisa! 5
Kwonka ndi omworo kandi omukyene;
Rahuka kumpikaho, ai Ruhanga;
Niiwe Muhwezi wangye, kandi Omujuni wangye;
Ai MUKAMA otaikarayo!
Source notes (5)
- Cross-reference Zab 40:13-17.
- Cross-reference Zab 32:7.
- Cross-reference Zab 35:4.
- Cross-reference Zab 35:27.
- Cross-reference Zab 86:1; 141:1.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.