Runyankore - Rukiga Bible 1964
Zaaburi 64
Okushaba okurindwa abazigu abarikuturwanisa bwesherekye
Aha Mukuru w'abeeshongozi. Zaaburi ya Daudi
Hurira eiraka ry'okuganya kwangye, ai Ruhanga;
Okize amagara gangye okutiina abazigu.
Onsherekye enaama, ezi ababi barikungirira,
N'okujagarara kw'enkozi z'ebibi, 1
Abatyaza endimi zaabo nka rurara,
Bakatamika emyambi yaabo, nibyo bigambo byabo ebirikushaarira, 2
Ngu babone kurasha otaine rubanja, bamugwereire;
Barahuka kumurasha, batarikutiina. 3
Beegumiza omu naama zaabo mbi;
Bahanuura kutega emitego omu mubonano,
Nibagira bati: N'oha orikwija kutureeba?
N'oha orikubaasa kuzoora ebibi byaitu?
Ahakuba enaama ezi tugizire n'ez'obwengye.
Manya, ebiteekateeko by'omu mutima gw'omuntu biri hare!
Kwonka Ruhanga aryabarasha;
Abahutaaze ahonaaho; 4
Atyo abamareho, bazire orurimi rwabo;
Boona abaribareeba baryazongoza emitwe. 5
Obwo nibwo abantu boona baritiina,
Bakamanyisa omurimo gwa Ruhanga.
Kandi bakateekateeka munonga aha bi yaakozire. 6
Abahikiriire baryashemerererwa omuri MUKAMA, bamwesigye;
Boona abaine emitima egororokire beesiime.
Source notes (6)
- Cross-reference Zab 57:4.
- Cross-reference Zab 11:2.
- Cross-reference Zab 140:5; Yob 22:13; Ezk 13:22.
- Cross-reference Enf 12:13; 18:7; Yer 48:27.
- Cross-reference Yer 50:28; 51:10.
- Cross-reference Zab 32:11.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.