Runyankore - Rukiga Bible 1964
Zaaburi 40
Ekyeshongoro kisya ky'okusiima Mukama, n'okushaba okuhwerwa Aha Mukuru w'abeeshongozi. Zaaburi ya Daudi.
Nkategyereza MUKAMA n'okugumisiriza;
Yantega okutu, yaahurira okutaka kwangye. 2
Yaanyiha omu kiina ky'okuhwerekyereramu omu byondo;
Yaayemereza ebigyere byangye aha rukiri,
Yaahamya entegye zangye; 3
Yaanyegyesa ekyeshongoro kisya
eky'okuhimbisa Ruhanga waitu;
Baingi baryakireeba, batiine,
Kandi beesigye MUKAMA. 4
Aine omugisha omuntu, ou MUKAMA aba obwesigye bwe,
Otakubuukira banyamaryo,
N'obu baakuba abahabisibwa baaruhanga ab'ebishuba. 5
Ai MUKAMA Ruhanga wangye, eby'okutangaaza, ebi waakozire,
N'ebiteekateeko ebi otuteekateekaho ka ni bingi!
Tihariho orikwingana naiwe.
Ku naakwenda kubigamba n'okubitondoora,
Ni bingi, tibirikubaasa kubarwa. 6
Ebitambo n'empongano tobishemerererwa;
Amatu gangye ogaigwire;
Ebitambo eby'okwokyeza kimwe n'ebitambo by'ebibi torabyenzire;7 8
Naanye nikwo kugira nti: Reeba, naija!
Nk'oku kyampandiikirweho omu muzingo gw'ekitabo; 9
Ninshemerererwa okukora ebi okunda, ai Ruhanga wangye;
Ebiragiro byawe biri omu mutima gwangye. 10
Mbuuriire eby'okuhikiirira omu mutwe muhango gw'abantu;
Reeba tindekire kugamba;
Naiwe nookimanya, ai MUKAMA. 11
Tinsherekire by'okuhikiirira kwawe omu mutima gwangye;
Ngambire eby'okwesigwa kwawe n'okujuna kwawe;
Embabazi zaawe n'amazima gaawe timbisherekire mutwe muhango gw'abantu. 12
Ai MUKAMA, otaanyima okusaasira kwawe kwingi;
Embabazi zaawe n'amazima gaawe bigume bindinde. 13
Ahakuba obubi bwingi obuhinguraine bunyehinguririize;
Eby'okutahikiirira byangye bimpikireho,
Byanzibira kwimutsya amaisho;
Ni bingi okukira eishokye ry'aha mutwe gwangye;
Omutima gwampwa omunda. 14
Ai MUKAMA, ikiriza kunjuna;
Orahukye kumpwera, MUKAMA wangye!15 16
Abarikwenda kuhwerekyereza amagara gangye
Bakwatwe enshoni, boona bashoberwe;
Abarikwesiimira enaku zangye, bagarurwe enyima, bagaywe. 17
Abarikunteerera enaku, nibagira bati: Otyo! Otyo!
Bashobererwe kimwe ahabw'enshoni zaabo. 18
Boona abakusherura bashemererwe, bananukire omuriiwe;
Abarikukunda okujuna kwawe bagume bagire bati:
MUKAMA aheebwe ekitiinisa! 19
N'obu ndaabe ndi omworo kandi omukyene,
Kwonka Mukama anteekateekaho.
Niiwe Muhwezi wangye kandi Omujuni wangye;
Ai Ruhanga wangye, otatuuraho.
Source notes (19)
- Cross-reference Zab 37:7; 39:12.
- Cross-reference Zab 27:5; 69:2, 14.
- Cross-reference Zab 33:3; 52:6.
- Cross-reference Zab 2:12; 125:5.
- Cross-reference Zab 139:17, 18; Yob 5:9.
- Cross-reference Heb 10:5-7.
- Cross-reference Zab 51:16; 1 Sam 15:22; Hos 6:6; Mat 9:13.
- Cross-reference Luk 24:44.
- Cross-reference Zab 119:35; Yob 23:12; Yer 15:16; Yoh 4:34; Rom 7:22.
- Cross-reference Zab 22:22, 25; Yos 22:22.
- Cross-reference Byak 20:20, 27; Rom 1:16, 17.
- Cross-reference Zab 57:3; 61:7.
- Cross-reference Zab 38:4, 10; 116:3.
- Cross-reference Zab 70:1-5.
- Cross-reference Zab 38:22.
- Cross-reference Zab 6:10; 35:4.
- Cross-reference Zab 35:21, 25.
- Cross-reference Zab 35:27.
- Cross-reference Zab 86:1; 1 Pet 5:7.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.