Runyankore - Rukiga Bible 1964
Zaaburi 41
Okushaba kw'omurwaire okujunwa ebi abarikumwanga barikumwetengyera Aha Mukuru w'abeeshongozi. Zaaburi ya Daudi
Osaasibwa abooro aine omugisha;
MUKAMA aryamujuna aha izooba ry'okureeberaho enaku. 2
MUKAMA aryamurinda, agume ari ohuriire;
Kandi aryaheebwa omugisha akiri omu nsi.
Otamurekurira abazigu be kumukora nk'oku barikwenda.
MUKAMA aryamweyegamiza, arembeire aha kitabo kye;
Niiwe orimwarira arwaire. 3
Nyowe nkagira nti: Ngirira embabazi, ai MUKAMA!
Kiza amagara gangye; ahakuba nkucumwireho.
Abazigu bangye bangambaho kubi nibagira bati:
Aryafa ryari, eiziina rye rikeeba? 4
Ku aija kundeeba, ayegambagambisa ebitaine mugasho;
Haza obwo omutima gwe nigushanguruza orukuru;
Ngu ku araashohore, arubuzye.
Abarikuunyanga boona bangambuura nibagambirana omu kutu;
Bangirira enaama mbi.
Nibagira bati: Endwara mbi emukwatiire kimwe;
Ahu abyami tarikwija kwimukaho. 5
Nangwa na munywani wangye w'aha mara, ou naabaire niinyesiga,
Ou naabaire ndya nawe ambangiire omugyere.
Kwonka iwe ai MUKAMA, ongirire embabazi,
Onyimutsye, mbone kubahoora. 6
Ekyo nikyo kirikummanyisa ku onshemerererwa,
ahakuba omuzigu wangye tansingwire. 7
Kwonka nyowe omu bwesigwa bwangye onkwatiriire,
Wanta omu maisho gaawe, okuguma naiwe ebiro byona. 8
MUKAMA Ruhanga w'Abaisraeli ahimbisibwe,
Okwiha iranaira, okuhitsya obusingye bwona.
Amiina, kandi Amiina.
Source notes (8)
- Cross-reference Enf 14:21; Mak 10:21.
- Cross-reference Zab 27:12.
- Cross-reference Zab 6:2; 147:3.
- Cross-reference Zab 12:2; 144:8.
- Cross-reference Zab 55:12, 13; 2 Sam 15:12; Yer 20:10; Oba 7; Mak 14:18; Yoh 13:18.
- Cross-reference 2 Sam 15:25, 26.
- Cross-reference Zab 63:8; Yob 36:7.
- Cross-reference Zab 72:18; 106:48; Luk 1:68.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.