Runyankore - Rukiga Bible 1964
Zaaburi 4
Okushaba kw'omu mwabazyo kw'okushemererwa n'obusingye Aha Mukuru w'abeeshongozi b'enanga ez'emirya, Zaaburi ya Daudi
Ai Ruhanga, omanya okuhikiirira kwangye;
Ku ndaagume naakweta, onyetabe.
Ku naabaire nfunziibwe, wampa omwanya, naayeshanja.
Ongirire embabazi, ohurire okushaba kwangye.
Imwe bantu 'mwe, muryahitsya hi okuhemura ekitiinisa kyangye?
Muryahitsya hi okukunda ebitaine mugasho, n'okukuratira ebishuba? 2
Kwonka mumanye ngu MUKAMA ayetooraniire orikumutiina;
MUKAMA ampurira, ku mmutakira. 3
Mugire ekiniga, kwonka murekye kushiisha;
Muhanuure n'emitima yaanyu mubyami, mucecekye. 4
Muheyo ebitambo ebihikire,
Kandi mwesigye MUKAMA. 5
Hariho baingi abarikubuuza bati: N'oha oraatworekye ebirungi?
Ai MUKAMA, otwakize omushana gw'amaisho gaawe. 6
Otaire okushemererwa omu mutima gwangye
Okurikukira oku bagira omu biro by'omweru n'eby'emihiiso ya viinyo. 7
Niinyija kubyama ntaine ki ndikwekyenga, ngwejegyere,
Ahakuba niiwe wenka, MUKAMA, ondinda nkagira obusingye.
Source notes (7)
- Cross-reference Yer 23:6.
- Cross-reference Zab 77:6; Kur 33:16.
- Cross-reference Efe 4:26; Bir 33:19.
- Cross-reference Zab 37:3; 51:19; Kub 6:26.
- Cross-reference Zab 89:15.
- Cross-reference Isa 9:3; Lev 25:18, 19.
- Cross-reference Zab 3:5.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.