Runyankore - Rukiga Bible 1964
Zaaburi 3
Okushaba kw'omu kasheeshe kw'okwesiga Mukama Zaaburi ei Daudi yaayeshongoire ahungire omutabani Abusalomu
MUKAMA wangye, abazigu bangye ka ni baingi!
Baingi baanyimukiriire; 2
Baingi nibangambaho bati:
Taine kuhwerwa kwona ahari Ruhanga. 3
Kwonka Iwe MUKAMA, ori engabo enyehinguririize;
Niiwe ndikwehimbisizaho, kandi niiwe oimukize omutwe gwangye. 4
Ntakira MUKAMA n'eiraka ryangye,
Nawe angarukamu naayema aha rushozi rwe orurikwera. 5
Nkabyama, naagwejegyera,
Kandi naasisiimuka, ahakuba MUKAMA niwe andamira. 6
Tinditiina bukumi bw'abantu
Abankubire kundwanisa. 7
Ai bambe MUKAMA, imuka;
Ruhanga wangye, njuna;
Ahakuba okateera abazigu bangye boona aha mushaya,
Waacwa amaino g'ababi. 8
Okujuna n'okwa MUKAMA;
Omugisha gwawe gube aha bantu baawe.
Source notes (8)
- Cross-reference 1 Sam 15:12.
- Cross-reference Zab 71:11.
- Cross-reference Zab 27:6; 28:7; 119:114; Kut 15:1.
- Cross-reference Zab 2:6; 77:1; 142:1.
- Cross-reference Zab 4:8; Enf 3:24.
- Cross-reference Zab 27:3.
- Cross-reference Zab 10:12; 58:6.
- Cross-reference Zab 37:39; Enf 21:31; Yer 3:23; Yon 2:9.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.