Runyankore - Rukiga Bible 1964
Zaaburi 2
Obutegyeki bwa Kristo owaashukirweho amajuta
N'enki ekiteeraine hamwe amahanga?
Ahabw'enki abanyamahanga nibaza omu naama za busha?2 3
Abagabe b'ensi batengire orugamba,
N'abategyeki nibahanuura hamwe,
Okurwanisa MUKAMA n'ou yaashukireho amajuta, ni bagira bati: 4
Ka tucwe enjegyere zaabo,
Tunagye hare emirunga yaabo. 5
Oshutami omu iguru naasheka;
MUKAMA naabateerera enaku.
Aryabagambira abagwereirwe kubi,
Abatiinise n'ekiniga kingi, ati: 6
Nyowe nyemekire omugabe wangye
Aha rushozi rwangye orurikwera Saayuni. 7
Niinyija kuranga ekiragiro kya MUKAMA;
Yangira ati: Ori Omwana wangye,
Eri izooba naakuzaara. 8
Nshaba, ndyakuha amahanga gabe obutaka bwawe,
N'embaju zoona ez'ensi zibe eitungo ryawe. 9
Oryabacoocoora n'enkoni y'ekyoma,
Obaatagure nk'enyungu y'omubumbi.
N'ahabw'ekyo, imwe bagabe 'mwe, mugire obwengye,
Naimwe abategyeki b'ensi, mwikirize kuhaburwa. 10
Muheereze MUKAMA n'okutiina,
Mushemererwe n'okutetema. 11
Munywegyere Omwana, atakaabagirira ekiniga,
Mukahwerekyererera omu muhanda;
Ahakuba ekiniga kye nikiija kurahuka kwaka.
Boona abamuhungiraho baine omugisha.
Source notes (11)
- Cross-reference Byak 4:25, 26.
- Cross-reference Zab 46:6.
- Cross-reference Zab 18:50; 45:7.
- Cross-reference Yer 5:5.
- Cross-reference Zab 11:4; 37:13; Enf 1:26.
- Cross-reference Zab 3:4; 15:1; 43:3.
- Cross-reference Byak 13:33; Heb 1:5; 5:5.
- Cross-reference Zab 72:8; Dan 7:14.
- Cross-reference Isa 30:14; Kush 2:27.
- Cross-reference Heb 12:28.
- Cross-reference Zab 34:8; 84:12; Yer 17:7.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.