Zaaburi 36

Obubi bw'ababi n'embabazi za Mukama Aha Mukuru w'abeeshongozi. Zaaburi ya Daudi omwiru wa MUKAMA

11

Ekibi kigamba n'omusiisi omu mutima gwe hare,

Kandi okutiina Ruhanga tikuba mu maisho ge; 22

Ahakuba omu kwebeiha kwe agira ngu,

Eby'okutahikiirira bye tibirireebwa, bikangwa. 33

Ebigambo ebi agamba birimu eitima n'obugobya,

Takikoresa bwengye, kandi takikora gye. 44

Ateekateeka enaama z'okukora kubi, ari aha kitabo kye;

Ayeta omu muhanda ogutari murungi, tayangira kimwe kibi. 55

Embabazi zaawe, ai MUKAMA, ni nyingi, zihika omu iguru,

N'okwesigwa kwawe kuhika omu bicu. 66

Okuhikiirira kwawe ni nk'enshozi za Ruhanga,

Emicwere yaawe eri hare nk'okuzimu.

Ai MUKAMA, niiwe orinda abantu n'enyamaishwa. 77

Ai Ruhanga, embabazi zaawe ka n'ez'obuguzi bwingi!

N'ahabw'ekyo abantu bahungira omu mapapa gaawe. 88

Baryaigutira kimwe ebishaagaine eby'omu nju yaawe;

Kandi oryabanywaisa aha mugyera gw'eby'okushemererwa byawe. 99

Ahakuba ah'ori niho enshuro y'amagara eri;

Omu mushana gwawe nimwo turireebera omushana. 1010

Guma ogirire abarikukukunda embabazi nyingi;

Kandi oyorekye abaine emitima egororokire okuhikiirira kwawe.

11Otaikiriza ekigyere ky'ab'amaryo kumpikaho,

N'obu gwakuba omukono gw'omubi kumbinga. 1211

Okwo niyo abakozi b'ebibi bagwire;

Batwirwe ahansi, kandi tibaribaasa kwimuka.