Runyankore - Rukiga Bible 1964
Zaaburi 24
Mukama ow'ekitiinisa Omuhangi waitu, n'eby'abashemereire kutaaha omuri hekalu ye Zaaburi ya Daudi
Ensi n'eya MUKAMA n'ebirimu byona,
Ensi yoona n'abagituuramu; 2
Ahakuba akata emisingi yaayo aha nyanja,
Yaagihamiza aha migyera y'amaizi maingi. 3
N'oha oritemba aha kibungo kya MUKAMA?
Kandi oryemerera omu mwanya gwe ogurikwera n'oha? 4
Nogwo oine engaro ezishemeziibwe n'omutima ogushemeire,
Otata mutima gwe ha by'ebishuba,
Kandi otarahira by'obubobya. 5
Ogwo niwe ariheebwa omugisha kuruga ahari MUKAMA,
N'okuhikiirira kuruga ahari Ruhanga ow'okujunwa kwe. 6
Abamusherura n'abari nk'ogwo,
Abenda kureeba amaisho ga Ruhanga wa Yakobo. 7
Imwe marembo 'mwe, nimwimutsye emitwe yaanyu,
Naimwe enyigi eza ira, mwimukye,
Mukama w'ekitiinisa abone kutaahamu. 8
Ogwo Mukama w'ekitiinisa n'oha?
Ni MUKAMA ow'amaani, ow'obushoboorozi,
MUKAMA ow'obushoboorozi omu kurwana.
Imwe marembo 'mwe, nimwimutsye emitwe yaanyu,
Naimwe enyigi eza ira, mwimukye,
MUKAMA w'ekitiinisa abone kutaahamu. 9
Ogwo Mukama w'ekitiinisa n'oha?
MUKAMA w'amahe niwe Mukama ow'ekitiinisa.
Source notes (9)
- Cross-reference Zab 50:12; 89:11; Yob 41:11; Kur 9:29; 1 Kor 10:26.
- Cross-reference Zab 136:6; Enf 8:29.
- Cross-reference Zab 15:1-5.
- Cross-reference Zab 73:1; 119:37; Mat 5:8; Yob 22:30.
- Cross-reference Zab 27:9; 51:14; 88:1; Isa 46:13; Kut 22:17, 18.
- Cross-reference Zab 105:4.
- Cross-reference Zab 118:19, 20; 1 Kor 2:8.
- Cross-reference Kur 15:3.
- Cross-reference Mal 1:14.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.