Runyankore - Rukiga Bible 1964

Zaaburi 22

Okutaka kw'ori omu busaasi, n'ekyeshongoro ky'okuhimbisa; kandi ebimwe nibyo Yesu yaagambiire aha musharaba Aha Mukuru w'abeeshongozi. Zaaburi ya Daudi eyaayeshongoirwe n'eiraka eririkwetwa Empara y'omu busheeshe

Ruhanga wangye, Ruhanga wangye, n'enki ekyakuntsigisaho?

Ahabw'enki ori hare, otarikumpwera, kandi otarikuhurira bigambo by'okutsinda kwangye? 2

Ai bambe Ruhanga wangye, nkutakira nyomushana, tongarukamu;

Kandi na nyekiro, timpunama. 3

Kwonka Iwe ori Orikwera,

Iwe otuura aha kitebe ky'okuhimbisa kwa Israeli.

Baatatenkuriitwe bakakwesiga;

Ku baakwesigire, waabajuna. 4

Bakakutakira, waabakiza;

Bakakwesiga, tibaayefuuza. 5

Kwonka nyowe ndi omunyongororwa, tindi muntu,

Ou abantu bajuma, kandi ogaywa boona. 6

Boona abandeeba banshekyerera,

Banteerera enaku n'eminwa yaabo, nibazongoza emitwe, 7

Nibagira bati: Akeesiga Ruhanga; mbwenu naamujune;

Amukize, ahakuba amushemerererwa. 8

Kwonka niiwe waanyihire omunda ya maawe,

Kandi okandinda nkiri aha mabeere. 9

Okwiha obu naazarwa, niiwe nyegamira;

Okwiha obu maawe yanzaara, niiwe oba Ruhanga wangye. 10

Otanza hare, ahakuba akabi kari haihi;

Kandi tiinyine kihwera.

Enimi nyingi ziinyehinguririize;

Enimi z'amaani eza Bashani zintangatangire; 11

Ziinyashamiire,

Nk'entare esheegire, erikutsinda. 12

Nyatikire nk'amaizi,

Amagufa gangye goona gataine;

Omutima gwangye guri nk'entsinda,

Niguyagira omu kifuba kyangye. 13

Amaani gampweiremu, nyomire nk'orugusyo,

Orurimi rundamatiire aha nkanka;

Ontaire omu mucuucu gw'okufa. 14

Embwa ziinyehinguririize,

Omutwe gw'enkozi z'ebibi guntaire ahagati;

Banfumwire ebiganja n'ebigyere. 15

Nimbaasa kubara amagufa gangye goona;

Banteireho amaisho nibanshamaarira, 16

Baabagana eby'okujwara byangye,

Baateerera enteenyu ekijwaro kyangye. 17

Kwonka ai MUKAMA, otaza hare!

Iwe omuhwezi wangye, rahuka ompe emikono! 18

Onkize rurara,

Amagara gangye ogaihe omu maani g'embwa! 19

Onjune omu kanwa k'entare,

N'amagara gangye agarikubonabona ogaihe omu mahembe g'embogo! 20

Ndyagambira ab'eishe-emwe eiziina ryawe;

Nkuhimbisize ahagati omu mutwe gw'abantu.

Imwe abatiina MUKAMA, mumuhimbise!

Naimwe oruzaaro rwa Yakobo, mumuhe ekitiinisa,

Kandi imwe baijukuru ba Israeli mwena, mumutiine! 21

Ahakuba takagayaga n'obu kwakuba okunuga

Okubonabona kw'orikubonabonesibwa;

Kandi takamwimaga maisho,

Kureka ku yaamutakiire, yaamuhurira. 22

Ahariiwe niho okuhimbisa kwangye kuruga, oku nkuhimbisiza omu mutwe muhango gw'abantu;

Ndyahikiiriza okuhiga kwangye omu maisho g'abarikumutiina. 23

Abacureezi baryarya, bahaagye,

N'abasherura MUKAMA baryamuhimbisa.

Emitima yaanyu emereere ebiro byona. 24

Ab'embaju zoona ez'ensi baryaijuka,

Bahindukire MUKAMA;

N'enganda zoona ez'amahanga ziryaramiza omu maisho ge; 25

Ahakuba obutegyeki n'obwa MUKAMA,

Kandi niwe ategyeka amahanga. 26

Eego, abanyamaryo boona ab'omu nsi baryamwinamira,

N'abashuuma omu mucuucu boona baryainama omu maisho ge,

Omuntu weena otarikubaasa kuzibira amagara ge kufa. 27

Abaijukuru baryamuheereza,

Abantu baryagambira ab'obusingye oburikurataho ebya MUKAMA,

Bamanyise abantu abarizaarwa okuhikiirira kwe,

Ku niwe yaakikozire.

Source notes (27)

Cross-reference Zab 38:8; Mat 27:46; Mak 15:34; Heb 5:7.
Cross-reference Zab 88:1.
Cross-reference Zab 80:1; 147:12; Lev 19:2.
Cross-reference Zab 35:2; Bar 3:9; Rom 9:33.
Cross-reference Zab 69:19; Yob 25:6; Isa 53:3.
Cross-reference Zab 109:25; 2 Bag 19:21; Mak 15:29-32.
Cross-reference Zab 18:19; 37:5; 91:14; Mak 1:11.
Cross-reference Zab 71:6.
Cross-reference Isa 49:1; Gal 1:15.
Cross-reference Zab 10:1; Isa 63:5.
Cross-reference Zab 35:21; 1 Pet 5:8; Yob 16:10.
Cross-reference Yos 2:11; Nah 2:10.
Cross-reference Yob 29:10; Enf 17:22; Yoh 19:28.
Cross-reference Mak 15:24; Luk 24:40; Yoh 19:23; 20:20, 25.
Cross-reference Mat 27:36; Luk 23:35.
Cross-reference Mat 27:35; Mak 15:24; Luk 23:34; Yoh 19:23, 24.
Cross-reference Zab 38:22.
Cross-reference Zab 35:17.
Cross-reference 2 Tim 4:17.
Cross-reference Mat 28:10; Yoh 17:6; 20:17; Heb 2:12.
Cross-reference Zab 10:1; 13:1; Heb 5:7.
Cross-reference Zab 66:13; Yon 2:9.
Cross-reference Zab 69:32.
Cross-reference Zab 2:8; 67:7; 96:7.
Cross-reference Zab 47:8; Oba 21; Zek 14:9.
Cross-reference Zab 45:12.
Cross-reference Zab 71:18; 78:6.

Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.