Zaaburi 19

Ekitiinisa kya Mukama ekirikureeberwa omu bi yaahangire n'omu Biragiro bye Aha Mukuru w'abeeshongozi. Zaaburi ya Daudi

11

Eiguru rimanyisa ekitiinisa kya Ruhanga,

N'omwanya gw'ahaiguru gworeka emirimo y'emikono ye.

2Nyomushana egambira nyomushana endiijo ebigambo,

N'ekiro kimanyisa ekindi kiro obwengye.

3Tihariho rurimi, n'obu byakuba ebigambo;

Amaraka gaabyo tigahurirwa. 42

Kwonka eiraka ryabyo ribuga ensi yoona,

Kandi n'ebigambo byabyo bihika aha muheru gw'ensi.

Omuribyo nimwo yaateire eihema ahabw'eizooba, 53

Riri nka kishwera oku ashohora omu kishengye kye,

Rishemererwa nk'ow'amaani, niriraba omu rugyendo rwaryo. 64

Riruga aha muheru gw'eiguru,

Ryehinguririza, rihika aha gundi;

Tihariho kisherekwa okwotsya kwaryo. 75

Ekiragiro kya MUKAMA kihikire,

Kigarura omutima omunda;

Ebi MUKAMA yaahamize n'eby'okwesigwa,

Biha obwengye otabwine; 86

Eby'okwegyesa bya MUKAMA bihikire,

Bigwisa gye omutima;

Ekiragiro kya MUKAMA kishemeire,

Kihwezesa amaisho; 97

Okutiina MUKAMA ni kurungi,

Kugumaho ebiro byona;

Ebi MUKAMA aragiira n'eby'amazima,

Kandi n'eby'okuhikiirira buzima. 108

Bishemereire kwetengwa okukira ezaabu,

Nangwa n'ezaabu enungi munonga;

Binuzire okukira obwoki,

Oburikutoonya niburuga omu ngabo yaabwo.

11Kandi nibyo bihabura omwiru waawe,

N'omu kubyorobera harimu ebihembo bingi. 129

N'oha orikubaasa kumanya ebishobyo bye?

Onshemezeho ebibi ebisherekirwe. 1310

Kandi ozibire omwiru waawe kukora ebibi nkana;

Otabiikiriza kuntegyeka!

Obwo ndyaba otaine ky'okuhanwa,

Kandi tindigira rubanja rw'okushiisha okuhinguraine. 1411

Ebigambo by'omu kanwa kangye,

N'okuteekateeka kw'omu mutima gwangye

Bisiimwe omu maisho gaawe,

Ai MUKAMA, orukiri rwangye, kandi omucunguzi wangye.