Zaaburi 142

Okushaba kw'omuntu orikuhiigwa ataine kihwera

Zaaburi ei Daudi yaagunzire, n'okushaba kwe obu yaabaire ari omu nyanga

11

Ntakira MUKAMA n'eiraka ryangye;

Ngaruka mmweshengyereza naryo. 22

Nshuka amaganya gangye omu maisho ge;

Kandi mmworeka enaku zangye. 33

Omwoyo gwangye ku gwagwire enshazi,

Okamanya omuhanda gwangye.

Omu muhanda ogu ndabamu,

Nimwo bantegire omutego. 44

Naareeba aha rubaju rwangye rwa buryo,

Kwonka naashanga hatariho orikuunyetaho;

Ntakiine h'okuhungira, hataine orikuntaho omutima. 55

Naakutakira, MUKAMA wangye; naagira nti: Niiwe buhungiro bwangye,

Kandi omugabo gwangye omu nsi y'abahuriire. 66

Hurira okutaka kwangye; ahakuba ngarwirwe ahansi munonga.

Onkize abarikumpiiga; ahakuba nibankiza amaani. 77

Onyihe omu kihome, mbone kusiima eiziina ryawe,

Abahikiriire bamanye hamwe naanye,

Ku onkorera eby'embabazi.