Zaaburi 140

Okushaba okurindwa aha bantu abanyamwaga

Aha Mukuru w'abeeshongozi. Zaaburi ya Daudi

1Ai MUKAMA, onkize abantu babi;

Ondinde abanyamwaga, 21

Abateekateeka enaama mbi omu mitima yaabo,

Abeeteerana obutoosha kurwana. 32

Bashongoire orurimi rwabo nk'enjoka,

Omu minwa yaabo harimu obushegu bw'encwera. Sela 43

Ai MUKAMA, ondinde emikono y'ababi;

Ondinde abanyamwaga, abahanwire kutega ebigyere byangye. 54

Ab'amaryo bantegire omutego n'emigoye;

Bategire ekigoye aha muhanda,

Bantega orugogo. Sela 65

Naagira MUKAMA nti: Niiwe Ruhanga wangye;

Tega amatu eiraka ry'okweshengyereza kwangye, ai MUKAMA. 76

Ai RUHANGA, Mukama wangye, Omujuni wangye ow'amaani,

Okakingira omutwe gwangye aha izooba ry'orugamba. 87

Ai MUKAMA, otaikiriza kuha omubi ebi arikwetenga,

Kandi otamukwatsa kugumizamu n'enaama ye embi,

Arekye kwehimbisa. Sela 98

Abanyehinguririize nibeehimbisa;

Eitima ry'eminwa yaabo ribamareho; 109

Amakara agarikwaka gabagweho;

Banagwe omu biina batarirugayo.

11Orikugambuura atarihama omu nsi;

Ekibi kihiigye omunyamwaga, kimuhwerekyereze. 1210

Nimmanya ngu MUKAMA aryatonganira abarikubonabonesibwa,

Arwanirire amazima g'abakyene. 1311

Buzimazima abahikiriire baryasiima eiziina ryawe;

N'ab'emitima egororokire baryatuura ah'ori.