Runyankore - Rukiga Bible 1964
Zaaburi 114
Oku Ruhanga yaihire Abaisraeli omuri Misri
Israeli obu yaaruga Misri,
Enju ya Yakobo obu yaaruga omu bantu b'orurimi orundi, 2
Yuda akahinduka Omwanya gwe ogurikwera,
Israeli yaahinduka obukama bwe. 3
Enyanja ku yaakireebire, yaahunga,
Yorudani yaagaruka enyima. 4
Ebibungo bikateera kyamubambaigwa nk'empaya z'entaama,
N'otubungo nk'abaana baazo. 5
Iwe nyanja 'we, noohungira ki?
Naiwe Yorudani, n'enki ekirikukugarura enyima?
Naimwe ebibungo, okuguruka nk'empaya z'entaama,
N'otubungo nk'abaagazi baazo? 6
Iwe nsi 'we, tetema omu maisho ga MUKAMA,
Omu maisho ga Ruhanga wa Yakobo, 7
Owaahindwire orukiri ekiyanja ky'amaizi,
N'amabaare agagumire akagafumuramu enshuro.
Source notes (7)
- Cross-reference Zab 81:5; Kur 12:37, 41.
- Cross-reference Zab 78:68, 69; Kur 19:5, 6.
- Cross-reference Kur 14:21; Yos 3:13-16.
- Cross-reference Zab 18:7; 29:6.
- Cross-reference Hab 3:8.
- Cross-reference Zab 96:9.
- Cross-reference Zab 107:35; Bir 8:15; Kub 20:11; Kur 17:6.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.