Runyankore - Rukiga Bible 1964
Zaaburi 113
Ruhanga ori ahaiguru oku atunguura abacureezi
Haleluya! Imwe abairu ba MUKAMA, muhimbise,
Muhimbise eiziina rya MUKAMA! 2
Eiziina rya MUKAMA risiimwe
Okwiha hati okuhitsya ebiro byona. 3
Okuruga oburugwa-izooba okuhika oburengyerwa-izooba
Eiziina rya MUKAMA rishemereire kuhimbisibwa. 4
MUKAMA ari ahaiguru munonga, naakira amahanga goona,
Ekitiinisa kye kyeshumba eiguru. 5
N'oha orikushushana na MUKAMA Ruhanga waitu,
Ou ekitebe kye kiri ahaiguru,
Akeecureeza kureeba ebiri omu iguru n'eby'omu nsi? 6
Atunguura omworo naamwiha omu mucuucu,
Aimutsya enshoberwa naagiha omu rubungo,
Ngu abashutamye n'abanyiginya,
Abanyiginya b'abantu be. 7
Omukazi engumba amugumya omu nju,
Amuha okuzaara abaana n'okushemererwa.
Haleluya!
Source notes (7)
- Cross-reference Zab 104:35; 135:1.
- Cross-reference Zab 115:18; Dan 2:20; Yob 1:21.
- Cross-reference Zab 48:10; 50:1; Mal 1:11.
- Cross-reference Zab 8:1; 99:2.
- Cross-reference Zab 35:1o; 138:6; Isa 57:15.
- Cross-reference Zab 107:41; Yob 36:7; 1 Sam 2:8.
- Cross-reference Zab 68:6; 1 Sam 2:5.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.