Runyankore - Rukiga Bible 1964
Zaaburi 112
Okuhiirwa kw'abarikutiina Ruhanga
Haleluya. Aine omugisha omuntu orikutiina MUKAMA,
Akashemerererwa munonga ebiragiro bye. 2
Baijukuru be baryaba ab'amaani omu nsi;
Oruzaaro rw'ohikiriire ruryaheebwa omugisha. 3
Eitungo n'obutungi biryaba omu nju ye;
Kandi okuhikiirira kwe kuryaba okw'ebiro n'ebiro. 4
Ow'omutima ogugororokire ajwerwa omushana omu mwirima,
Gujwera oine embabazi n'okusaasira kwingi kandi ohikiriire. 5
Aine omugisha omuntu ogira obufura, akaguza abandi,
akakora emirimo ye omu buryo buhikire; 6
Ahakuba ohikiriire taritengyetsibwa,
Aryaijukwa ebiro byona. 7
Taritiinisibwa nkuru mbi;
Omutima gwe guhamire nigwesiga MUKAMA. 8
Omutima gwe guhamiire hamwe, taritiina,
Okuhitsya obu arireeba ebi arikwetengyera abazigu be. 9
Akagabisa obufura, yaagabira abooro;
Okuhikiirira kwe nikugumaho ebiro byona;
Eihembe rye riryatunguurwa n'ekitiinisa. 10
Omubi aryakireeba, aguubwe kubi;
Aryanena enshaya, ahwereho kimwe;
Eki omubi ayetenga kiryabura.
Source notes (10)
- Cross-reference Zab 1:2; 104:35; 128:1.
- Cross-reference Enf 20:7.
- Cross-reference Enf 3:16; 15:6.
- Cross-reference Zab 111:4; Yob 11:17.
- Cross-reference Zab 37:26.
- Cross-reference Zab 55:22; Enf 10:7.
- Cross-reference Zab 57:7; Enf 1:33.
- Cross-reference Zab 54:7.
- Cross-reference Zab 75:10; Rom 12:13; 2 Kor 9:9; 1 Tim 6:18.
- Cross-reference Yob 8:13; Mat 8:12.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.