Zaaburi 11

Ruhanga nk'oku ari obuhungiro bw'abahikiriire Aha Mukuru w'abeeshongozi. Zaaburi ya Daudi

11

MUKAMA niwe mpungiraho;

Noobaasa ota kungira oti:

Hungira aha bibungo nk'enyonyi; 22

Ahakuba, reeba, ababi bareega obuta bwabo,

Babutamikamu omwambi gwabo,

Kurasira omu mwirima ab'emitima egororokire.

3Emisingi ku yaakuhwerekyerezibwa,

Abahikiriire bakaakora ki? 43

MUKAMA ari omuri hekalu ye erikwera,

Ekitebe kya MUKAMA kiri omu iguru;

Amaisho ge gareeba abantu, n'ekitsigye kye kibagyeza. 54

MUKAMA agyeza abahikiriire;

Kwonka ababi n'abakunda endwano omutima gwe gubanga. 65

Ababi aryabagwisaho amakara g'omuriro n'obuganga nk'enjura;

Omuyaga gwa nyeirurwe guryaba omugabo omu kikopo kyabo. 76

Ahakuba MUKAMA n'ohikiriire, kandi akunda eby'okuhikiirira;

Ab'emitima egororokire baryareeba amaisho ge.