Runyankore - Rukiga Bible 1964

Zaaburi 105

Ebirungi ebi Ruhanga yaakozire ahabw'Abaisraeli

Musiime MUKAMA, murangaane eiziina rye,

Mumanyise ebi yaakozire omu mahanga.2

Mumweshongorere, mweshongore eby'okumuhimbisa,

Mugambire abantu eby'emirimo ye yoona ey'okutangaaza.

Mwesiime ahabw'eiziina rye eririkwera,

Emitima y'abarikusherura MUKAMA eshemererwe. 3

Musherure MUKAMA n'amaani ge,

Mwetengye okuguma omu maisho ge obutoosha. 4

Mwijukye emirimo ye ey'okutangaaza,

N'ebitakareebwaga ebi yaakozire, n'emanja ezi yaacwire, 5

Imwe ab'oruzaaro rw'omwiru we Abrahamu,

Abaana ba Yakobo, abu yaatooraine. 6

Niwe MUKAMA Ruhanga waitu,

Emicwere ye eri omu nsi yoona. 7

Aijuka endagaano ye ebiro byona,

Ekigambo eki yaaragiire ab'obusingye rukumi, 8

Niyo ndagaano ei yaaragaine na Abrahamu,

Ei yaarahiire naaraganisa Isaaka, 9

Akagihamiza Yakobo kuba ekiragiro,

Na Israeli okuba endagaano etarihwaho, 10

Naagira ati: Niiwe ndiha ensi ya Kanaani,

Kuba omugabo gw'obuhunguzi bwanyu. 11

Obu baabaire bakiri bakye,

Eego bakye munonga kandi abashuhuuki omu nsi egyo,

Nibazengyerera omu mahanga agatari gamwe,

Okuruga omu bugabe bumwe okuza omu bundi, 12

Taraikiriize muntu weena kubakora kubi;

Akateisa abagabe ahabwabo, 13

Naagira ati: Mutakora aha bu naashukireho amajuta,

N'obu kwakuba okukora kubi baanabi bangye. 14

Obu yaayeta enjara, ekateera ensi egyo,

Akahendera kimwe enkoni ei baabaire beesigire, nibyo by'okurya byabo. 15

Akashangwa yaatumire omuntu kubabandizayo,

Niwe Yosefu owaaguzirwe kuba omuhuuku. 16

Ebigyere bye baabisaasa n'emihama,

Baamubohesa enjegyere z'ebyoma. 17

Ekigambo kya MUKAMA kikaguma nikimugyeza,

Okuhitsya obu eki yaagambire kyabaireho. 18

Omugabe yaatuma, baamubohoorora,

omutegyeki w'amahanga yaamurekura; 19

Yaamuhindura omukuru w'eka ye,

Kandi omutegyeki w'ebintu bye byona,

Okuboha abanyiginya be nk'oku arikwenda,

N'okwegyesa abakuru be obwengye. 20

Bwanyima Israeli yaija omuri Misiri

Yakobo yaashuhuukira omu nsi ya Haamu. 21

MUKAMA yaakanyisa abantu be munonga,

Yaabahindura ab'amaani okukira abazigu baabo. 22

Yaahindura emitima yaabo kwanga abantu be,

N'okugira obwengye bw'okutwaza kubi abairu be. 23

Yaatuma Musa omwiru we,

Na Arooni ou yaatooraine; 24

Baakora obumanyiso bwe omuribo,

N'eby'okutangaaza omu nsi ya Haamu. 25

Yaareeta omwirima, gwashweka ensi.

Ngu barekye kugomera ekigambo kye. 26

Yaahindura amaizi gaabo eshagama,

Yaita eby'enyanja byabo. 27

Ensi yaabo yaijura ebikyere,

Byaza n'omu bishengye by'abagabe baabo. 28

Yaaragiira, haija emizinga y'eshohera,

Enda zaanyiga omu nsi yaabo yoona. 29

Omu mwanya gw'enjura yaabagwisiza orubaare,

N'emirabyo yaatyankana omu nsi yaabo.

Yaateera emizaabibu yaabo n'emitiini yaabo,

Yaahendagura ebiti by'omu nsi yaabo. 30

Yaagamba, enzigye zaateera,

Na kanyananga nyingi munonga,

Byarya ebimezire byona omu nsi yaabo,

N'emyaka ey'omu misiri yaabo. 31

Kandi yaateera emijigaijo yoona ey'omu nsi yaabo,

Abaana b'amaani gaabo ag'okubanza. 32

Bwanyima yaiha Abaisraeli omu nsi egyo, baine efeeza n'ezaabu;

Tihariho n'omwe aharibo owaabaire ataine maani. 33

Ku baarugiremu, Abanyamisiri baashemererwa,

Ahabw'okuba bakaba baine obwoba ahabwabo. 34

Yaashashaanura ekicu ky'okubasangira,

Yaataho n'omuriro gw'okubamurikira nyekiro. 35

Baashaba, yaareeta endahi,

Yaabahaazya eby'okurya by'omu iguru. 36

Yaayata orukiri, amaizi gaahimintika;

Gaaraba omu myanya eyomire nk'emigyera; 37

Ahakuba akaijuka ekigambo kye ekirikwera,

Na Abrahamu omwiru we. 38

Yaihayo abantu be n'okushemererwa,

Abu yaatooraine baija nibeeshongora. 39

Yaabaha ensi z'abanyamahanga,

Baahungura ebi abanyamahanga baahendekyeire, 40

Ngu babone kworobera ebiragiro bye n'okurinda ebi yaataireho.

Haleluya.

Source notes (40)

Cross-reference 1 Bus 16:8-22.
Cross-reference Isa 12:4.
Cross-reference Zab 27:8.
Cross-reference Zab 77:11; Kur 6:6.
Cross-reference Zab 105:42.
Cross-reference Isa 26:9.
Cross-reference Zab 111:5, 9; Bir 7:9; Luk 1:72.
Cross-reference Kut 17:2; 22:16-18; 26:3; Luk 1:73.
Cross-reference Kut 28:13, 14; 35:10-12.
Cross-reference Kut 13:15; 15:18.
Cross-reference Kut 34:30; Heb 11:9.
Cross-reference Kut 12:17; 35:5.
Cross-reference Kut 20:6, 7.
Cross-reference Kut 41:54; Ezk 4:16.
Cross-reference Kut 37:28, 36; 45:5; Byak 7:9.
Cross-reference Kut 39:20.
Cross-reference Kut 40:20-22.
Cross-reference Kut 41:14.
Cross-reference Kut 41:40.
Cross-reference Kut 46:6; 47:11; Byak 7:15; 13:17.
Cross-reference Kur 1:8-14; Byak 7:17.
Cross-reference Kur 1:8-14; Byak 7:19.
Cross-reference Kur 3:10; 4:12; Kub 17:5-8.
Cross-reference Zab 78:43-51.
Cross-reference Zab 99:7; Kur 10:21-23.
Cross-reference Kur 7:17-21.
Cross-reference Kur 8:2-6.
Cross-reference Kur 8:16, 17, 21-24.
Cross-reference Kur 9:22-25.
Cross-reference Kur 10:12-15.
Cross-reference Zab 78:51; Kur 12:29.
Cross-reference Kur 12:35, 36.
Cross-reference Kur 12:15-16, 33.
Cross-reference Kur 13:21; Isa 4:5; 1 Kor 10:1.
Cross-reference Zab 78:24, 27; Kur 16:12-15; Yoh 6:31.
Cross-reference Kur 17:6; Kub 20:11; Isa 48:21; 1 Kor 10:4.
Cross-reference Zab 105:6-9; Kur 2:24; Kut 15:14.
Cross-reference Kur 15:1.
Cross-reference Zab 78:55; Yos 11:23; 24:13.
Cross-reference Zab 104:35; Bir 4:1, 40.

Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.