Yobu 17

11

Omutima gwangye gucwekire, ebiro byangye bihwire,

Ekituuro kintegyereize.

2Buzimazima nyehinguririziibwe abarikunteerera enaku;

Eriisho ryangye nditaire aha bi barikundahuza. 32

Mbwenu taho omusingo, onyemererere;

Ori aho orikwija kuunyemerera n'oha?

4Nk'oku ozibiire emitima yaabo kwetegyereza,

Nikyo otarikubaikiririza kusingura. 53

Orikurega banywani be, ngu abagane aha bintu byabo,

Amaisho g'abaana be garyabwerabwera. 64

Ampindwire eky'okucweraho enfumu omu mahanga,

Mpindukire ou abantu barikunuga butunu. 75

Ahabw'obusaasi amaisho gangye garimu oruho,

N'engingo zangye zoona ziri nk'ekibunda.

8Abantu abagororokire nibakitangaarira,

Kandi abatariho rubanja nibeezirika kurwanisa abatarikutiina Ruhanga; 96

Kwonka ohikiriire ahamiire omu muhanda gwe,

Kandi oine engaro zishemeire naayeyongyera kugira amaani.

10Mbwenu imwe mwena, mugarukye mwije;

Tihariho munyabwengye n'omwe ou ndikwija kushanga omuriimwe.

11Ebiro byangye bihwire,

Ebi mbaire niinyenda kukora bifiire,

Nibyo byetengo by'omutima gwangye. 127

Ekiro nibakihindura nyomushana,

Nibagira ngu omushana guri haihi kuba nk'omwirima.

13Ku naakwenda okuzimu ku eba eka yangye,

Naayara ekitabo kyangye omu mwirima,

14Naagira ekiina nti: Niiwe tata,

N'enyogori nti: Ori maawe, nari munyaanyazi,

15Mbwenu obwo amatsiko gangye gakaaba gakirahi?

Kandi ago matsiko garyareebwa oha? 168

Garyashuuma naanye, tuhikye aha mpimbi z'okuzimu,

Ku ndiba naahumwire nago omu mucuucu.