Isaaya 64

Okweshengyereza Ruhanga kutusaasira ebibi

11

Nkaabaasibwa ki, oshatura eiguru, oshuuma,

Enshozi zitengatenga omu maisho gaawe, 22

Nk'oku omuriro gwotsya obuyaayo,

Gukareetera amaizi kubira

Eiziina ryawe ribona kumanywa ababisha baawe,

Amahanga gatetemera omu maisho gaawe! 33

Obu waakora ebirikwitsa obwoba, ebi twabaire tutarikuteekateeka,

okashuuma, enshozi zaatengatenga omu maisho gaawe. 44

Ahakuba okuruga ira abantu bakaba batakamanyaga,

Kandi n'okutu kwabo kutakahuriraga,

N'amaisho gatakareebaga Ruhanga ondiijo,

Oine eki arikukorera abarikumutegyereza, okwihaho iwe.

5Iwe otangirira abarikushemerererwa eby'okuhikiirira, bakabikora,

Abarikukwijuka, iwe n'emitwarize yaawe;

Kwonka okagira ekiniga ahabw'okuba tukakora ebibi;

Twabimaramu omwanya muhango.

Ebyo turyajunwa? 65

Ahabw'okuba twena tukahinduka nk'omuntu otashemeire,

N'eby'okuhikiirira kwaitu byona ni nk'ekijwaro ekisiisikaire.

Twena tuhonga nk'eibabi,

N'eby'okutahikiirira byaitu bitutwara nk'ekirikutwarwa omuyaga. 76

Tihariho orikutakira eiziina ryawe,

Nari orikwebatura kukukwata amaguru;

Ahabw'okuba otwimire amaisho,

Waatumaraho ahabw'eby'okutahikiirira byaitu. 87

Kwonka, ai MUKAMA, niiwe Tataitwe,

Itwe turi eibumba, niiwe mubumbi waitu;

Twena turi ebibumbirwe engaro zaawe. 98

Ai MUKAMA, otatugirira ekiniga, okarengyesereza,

Kandi otaijuka eby'okutahikiirira byaitu ebiro byona. 109

Endembo zaawe ezirikwera zihindukire eihamba,

Saayuuni ebaire eihamba,

Yerusaalemu yaaba amatongo.

11Enju yaitu erikwera, kandi enungi,

Ei baatatenkuriitwe baabaire bakuhimbisizamu,

Ekasya;

Ebi twabaire nitukunda byona byacwekyerera. 1210

Ai MUKAMA, noija kwehuzya ebi bintu,

Ohuname, otubonabonese munonga?