Isaaya 53

Ebirikuragura aha kubonabonesibwa kwa Kristo

11

N'oha oikiriize ebi tuhuriire?

Kandi omukono gwa MUKAMA gushuururiirwe oha? 22

Ahakuba akakurira omu maisho ge nk'ekibyairwe ekito,

Kandi nk'akati akatookire omu itaka ryomire.

Akaba ataine ku arikushusha, n'obu bwakuba oburungi, ngu tumureebe,

Nari akandi karungi aku turikumwetengaho. 33

Akagaywa, yaayangwa abantu,

Omuntu w'obujune, omanyiire enaku;

Kandi nk'ou abantu batiinisa amaisho,

Nikwo yaagayirwe atyo, naitwe tutamwetemu kaabuntu. 44

Buzimazima akeekorera enaku zaitu,

Yaatwara obujune bwaitu,

Haza itwe twateekateeka ngu Ruhanga niwe amuteire,

Akamwasha, akamubonabonesa. 55

Kwonka akahutaazibwa ahabw'eby'okushiisha byaitu,

Yaahondahondwa ahabw'okutahikiirira kwaitu;

Okuteerwa kw'okutureetera obusingye niwe yaakuteirwe,

Kandi emihiririzi ye niyo etukiza. 66

Twena tukahaba nk'entaama,

Twateishuka, buri muntu yaatoora omuhanda gwe,

Kwonka MUKAMA yaamutaho okutahikiirira kwaitu twena. 77

Akaitwa kubi yaabonabonesibwa,

Kwonka tiyaayashamya kanwa ke;

Yaaba nk'akataama akarikutwarwa kwitwa,

Kandi nk'entaama oku ecureera omu maisho g'abakyemuzi b'ebyoya;

Okwo nikwo nawe ataraashamize kanwa ke. 88

Ahabw'okwitwa kubi n'okucwerwa orubanja akaihwaho;

Omu b'omu busingye bwe n'oha owaateekateekire

Ngu akaihirwaho kimwe omu nsi y'abahuriire?

Ahabw'eby'okushiisha by'abantu bangye nikyo yaateereirwe. 99

Bakamuteekateekyera ah'okuziikwa hamwe n'ababi,

Kandi n'omutungi omu kufa kwe.

N'obu araabe atarakozire by'obubisha,

N'obu bwakuba obugobya kuruga omu kanwa ke.

10Kwonka MUKAMA akasiima kumuhondahonda,

Yaamusaasa;

Ku araayehindure ekitambo ahabw'ekibi,

Aryareeba oruzaaro rwe, ayongyere aha biro bye,

Ebi MUKAMA arikwenda bihikiirizibwe gye omu mukono gwe. 1110

Aryareeba ebirikuruga omu busaasi bw'amagara ge, amarwe;

Ahabw'okumanya kwe omuheereza wangye ohikiriire

Aryahaisa baingi okuhikiirira,

Kandi ayekorere eby'okutahikiirira byabo. 1211

N'ahabw'ekyo ndyamubaganisiza omugabo hamwe n'abakuru,

Nawe aryabagana eminyago n'ab'amaani,

Ahabw'okuba akashuka amagara ge okuhitsya aha kufa,

Yaabarirwa hamwe n'enkozi z'bibi,

Yaayekorera ebibi by'abaingi,

Kandi yaatonganira abasiisi.