Runyankore - Rukiga Bible 1964

Isaaya 12:2

Verse 2 is marked below, with the whole chapter around it. Read from the start

Embabazi za Mukama aha bantu be

Eryo izooba muryagira muti:

MUKAMA, ninkusiima,

Ahabw'okuba, n'obu wangiriire ekiniga,

Kikatuuba; mbwenu ongarwire omutima omunda. 1

Reeba, Ruhanga niwe kujunwa kwangye,

Ndyaguma nimmwesiga, tinditiina;

ahabw'okuba MUKAMA Yehoova niwe maani gangye n'ekyeshongoro kyangye,

Kandi ahindukire okujunwa kwangye. 2

Nikyo muriguma nimutahira amaizi omu maziba g'okujunwa mushemereirwe; 3 kandi eryo izooba muryagira muti:

Musiime MUKAMA, mutakire eiziina rye,

Mubuzye omu mahanga ebi yaakozire,

Murangye eiziina rye kuririkuhimbisibwa.

Mweshongorere MUKAMA eby'okumuhimbisa,

Ahabw'okuba akozire eby'ekitiinisa.

Ebyo bibugye ensi yoona. 4

Iwe mutuuzi wa Saayuuni 'we, teera akaari,

Oyeshongore ahabw'okushemererwa,

Ahabw'okuba Orikwera wa Israeli ori omuriiwe ni mukuru.

Source notes (4)

Cross-reference Kur 15:2; Zab 118:14.
Cross-reference Yoh 4:14.
Cross-reference Zab 105:1; 145:4, 6; 148:13.
Cross-reference Isa 1:4; Hos 11:9.

Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.