Ayubu

Kitabu cha Ayubu

Ayu imt ULONGOELO Kitabu iki chasimuila mbuli za mnt'hu yumwenga mhuwilwa akwitangwa Ayubu, uyo asulumilaga vitendese naho hadamanye wavu kwa kumlabila Mnungu (Ayubu 1:22). Hehali amanyize niani awandikaga kitabu cha Ayubu, hegu nekiwandikwa ini mna yadahika kugamba Ayubu ekalaga mwo lupisi lwa Ibulahimu, kwaviya wikazi wakwe mwenye ekalaga miyaka gana dimwenga na milongo mine. Wamanyi hawafanyanyaga kugamba Ayubu niye awandikaga kitabu iki. Mwandisi mtuhu heekumanyika aonaga ni vedi awagambile want'hu watuhu simulizi izi za Ayubu na kuziwandika.

Kitabu cha Ayubu ni cha masulumizo, mwavu alekelagwa ni Mnungu kumtenda Ayubu asulumile, kwaviya idyo afanyanyaga kugamba masulumizo ayo nayamtende Ayubu amleke kumvika Mnungu (Ayubu 1:12). Nt'hendelo nk'hulu ye kitabu cha Ayubu chasimwiila milosi ya Ayubu na wambwiyaze, kwaviya nii Ayubu asulumilaga. Wambwiya wa Ayubu wahuwila kugamba Ayubu andaga akasulumila kwaviya yo uwihi uwo audamanye, mna Ayubu ahuwilaga kugamba nakanda hana masa. Mwo kwajika ayo Mnungu alonga na Ayubu mna hakumgambila nii nakasulumila viya. Ayubu eze abunk'hule kugamba Mnungu adaha kudamanya kila kint'hu icho akuunga, na kugamba mnt'hu hakudaha kumanya udamanyi wa kwehela wa Mnungu, Ayubu avikilwa naho ni Mnungu kwa ugoli na wana wabindile wingi.

Yeli mndani

Mbuli izo zatendaga Ayubu asulumile izo zatendagwa nu mwavu msafa wa bosi na wa kaidi

Ayubu andaga akalonga na wambwiyaze mwa masulumizo yakwe msafa wa katatu kubula 37.

Mnungu alonga na Ayubu na Ayubu ahitula mwe msafa wa 38 kubula 42: 6.

Mwo wikazi wose wa Ayubu na ivo Mnungu amvikilaga mwo masulumizo yakwe msafa wa 42: 7-17.