Nguu Bible Version

Ayubu 25

Bilidadi ahitula

Bilidadi niyo ahitula, Mnungu ni mta udahi mkulu,

Want'hu wose waungwa wamtunye ho undiilo wakwe,

kaika useuta wakwe wa kwe mbingu mwo utondowazi.

Niani akudaha kuwaza fyo dya watowani dyamdamanyila ndima?

Nihii uko ung'azi wakwe houkubula?

Mnt'hu adaha vivihi kunda mhuwila naho ywedi ho undiilo wa Mnungu?

Kwa Mnungu hata mnenge hakung'ala kujink'ha,

naho zint'hondo hazikungalisa hakawe.

Ho undiilo wa Mnungu mnt'hu hiyo kint'hu,

uyo ni enga nt'hende ho undiilo wa Mnungu.

Nguu Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.