Biblica® IBhayibhili Elingcwele LesiNdebele Elifinyelelekayo

AmaHubo 130

Ingoma yemiqanso.

Ngingaphansi ekujuleni ngiyakhala kuwe, Thixo;

Thixo, zwana ilizwi lami.

Indlebe zakho kazilalele ukukhala kwami

ngicela umusa.

Aluba wena, Thixo ububhala phansi zonke izono,

ngubani ongema na Nkosi?

Kodwa kuwe kulentethelelo;

ngalokho uyesatshwa.

Ngiyamlindela uThixo, umphefumulo wami uyalinda,

ngibeka ithemba lami elizwini lakho.

Umphefumulo wami ulindela uThixo

okudlula abalindi bemelele ukusa,

okudlula abalindi bemelele ukusa.

We Israyeli, beka ithemba lakho kuThixo,

ngoba kuye uThixo kulothando olungaphuthiyo

njalo kuye kulensindiso epheleleyo.

Yena ngokwakhe uzahlenga u-Israyeli

kuzozonke izono zabo.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.