Biblica® IBhayibhili Elingcwele LesiNdebele Elifinyelelekayo
AmaHubo 131
Ingoma yemiqanso. ElikaDavida.
Inhliziyo yami kayizikhukhumezi, Oh Thixo,
amehlo ami kawaziphakamisi;
kangizihluphi ngezindaba ezinkulu
loba ngezinto ezimangalisayo kimi.
Kodwa ngiwupholisile ngawuthulisa umphefumulo wami;
njengomntwana okhutshwe ebeleni likanina,
njengomntwana okhutshwe ebeleni
unjalo umphefumulo wami uthule ngaphakathi kwami.
Oh, Israyeli, beka ithemba lakho kuThixo
manje kuze kube phakade.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.