AmaHubo 129

Ingoma yemiqanso.

1Sebengihluphe kakhulu kusukela ebutsheni bami

katsho njalo u-Israyeli,

2sebengihluphe kakhulu kusukela ebutsheni bami,

kodwa kabangehlulanga.

3Abalimi bawulimile umhlane wami

benza imifolo emide.

4Kodwa uThixo ulungile;

ungikhulule ezintanjeni zababi.

5Akuthi bonke abayizondayo iZiyoni

babuyiselwe emuva beyangekile.

6Sengathi bangaba njengotshani obukhula ephahleni

obubuna bungakakhuli;

7umvuni angeke agcwalisa isandla sakhe ngabo,

loba lowo obuthayo agcwalise izingalo zakhe.

8Sengathi labo abadlulayo bangabokuthi,

“Izibusiso zikaThixo mazibe kuwe;

siyakubusisa ngegama likaThixo.”