Biblica® IBhayibhili Elingcwele LesiNdebele Elifinyelelekayo

AmaHubo 125

Ingoma yemiqanso.

Labo abamethembayo uThixo banjengentaba iZiyoni,

yona enganyikinyekiyo, emi kuze kube laphakade.

Njengezintaba ezigombolozele iJerusalema,

ngokunjalo uThixo uzungeza abantu bakhe

manje kuze kube laphakade.

Intonga yobukhosi eyababi kayiyikusala

ezweni elabelwe abalungileyo,

ngoba abalungileyo bangaqabuka sebesebenzisa

izandla zabo ukwenza okubi.

Yenza okuhle, awu Thixo, kulabo abalungileyo,

kulabo abaqotho enhliziyweni

kodwa labo abaphambukela ezindleleni ezitshekileyo

uThixo uzabaxotsha kanye labenzi bobubi.

Ukuthula kakube ku-Israyeli.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.